روسیې او پاکستان د پوځي ملګرتیاو په پراخولو ټینګار وکړ
زمونږ خبریال وايي د روسیې د دفاع وزیر مرستیال او د پاکستان پوځي قومندانانو د دواړو هیوادونو د پوځي ملګرتیاو د پراختیا په هکله موافقه وکړه .
د روسیې د دفاع وزیر مرستیال جنرال الکساندر فومین چې اسلام اباد ته ورغلی دی پرون د پاکستان د دفاع وزارت په کوربه توب د دواړو هیوادونو د ګډې کمیټۍ د خبرو اترو په دریم(۳) پړاو کښې ګډون وکړ او د اسلام اباد له چارواکو سره یې د بیلابیلو پوځي موضوګانو په هکله خبرې وکړې .
د روسیې او د پاکستان پوځي چارواکو د دوه اړخیزه پوځي غونډې په دغه پړاو کښې د پوځي روزنې ، د ګډې پوځي مانورې د ترسره کولو او د استخباراتي ، دفاعي او د صنعتي ملګرتیا په شمول په بیلابیلو زمینو کښې د ملګرتیاو او د اړیکو په هکله غور وکړ .
د سیمې په تیره بیا د افغانستان په امنیتي بدلونونو غور کول د روسیې او د پاکستان د پوځي چارواکو د غونډې په اجنډا کښې شامل و او هغوې ټینګار وکړ د دواړو هیوادونو د دوه اړخیزه پوځي غونډو دوام د سیمې د امنیت لپاره تضمین او د سیمې د ډيرو چیلنجونو د حل کولو لپاره اسانتیا رامینځته کونکی کیدلی شي .
