روسیې د اټومي جنګ د رامینځته کیدا په مخنیوي ټینګار وکړ
زمونږ خبریال وايي د روسیې خارجه وزارت د اټومي جنګ په هکله اندیښنو ته په غبرګون کښې د دغه جنګ د رامینځته کیدا په مخه نیولو ټینګار وکړ .
د روسیې او د اوکراین د پوځي شخړو له اوه شپیتمې(۶۷) ورځې سره په یوخت د روسیې د باندنیو چارو وزیر سرګی لاوروف ټینګار وکړ د اټومي قدرتونو ترمینځ د هر ډول وسله والې جګړې مخنیوی باید وشي .
سرګي لاوروف دغه راز په دې خبرې سره چې د ناټو غړي هیوادونه د ماسکو او د کي یف ترمینځ د سیاسي موافقې د ترسره کیدا د مخنیوي لپاره هر ډول کوشش کوي په ناټو او امریکا غږ وکړ چې په وسلو د اوکراین د سمبالولو کار ختم کړي .
د روسیې د خارجه وزیر سرګي لاوروف دغه وینا په داسې حال کښې ده چې د بریتانیا دفاع وزارت مخکې ویلي وو اته زره (۸۰۰۰) پوځیان به له لسګونو ټانکونو ، هیلي کوپټرونو او توپونو سره یوځاې ختیځې اروپا ته واستوي.
روسیې په ځلونو ویلي دي اجازه به ورنکړي چې هیواد یې د اوکراین له خاورې وګواښل شي .
