د هند ترکنټرول لاندې کشمير کښې نور شپږ تنه ووژل شول
Nov 26, 2018 04:50 Asia/Kabul
هندي فوځيانو د هند ترکنټرول لاندې کشمير کښې شپږ کشميريان په ډزو سره ووژل.
زمونږ د خبريال د رپوټ له مخې دغه شپږ تنه کشميريان پرون د هند تر کنټرول لاندې کشمير په شوپيان سيمه کښې ووژل شول.
وړمه ورځ هم د کشمير په اننت ناک سيمه کښې له هندي فوځيانو سره به نښته کښې شپږ تنه کشميریان وژل شوي وو.
د هند ترکنټرول لاندې د کشمير حالات د ۲۰۱۶ کال د جولائۍ له شپږې نېټې راهسې د هندي ځواکونو په لاسو د حزب المجاهدين د قوماندان برهان مظفر واني په وژلې سره تريخجن شوي دي په دغه موده کښې د هندي ځواکونو د حملو له کبله په سلګونو کشميري احتجاج کونکي وژل شوي او په زرګونو نور ژوبل شوي يا نيول شوي دي.
