د کشمیر په کنټرول لاین کښې دوه هندي پوځیان ووژل شول
Dec 02, 2018 16:48 Asia/Kabul
هندي سرچینو د کشمیر په کنټرول لاین کښې د دغه هیواد د دوو پوځیانو د وژل کیدو خبر ورکړ.
د هندوستان پوځ نن په یوه خبرپاڼه کښې وویل: د کشمیر په کنټرول لاین کښې د هندي ځواکونو په لاره کښې د ماین چاودیدو په وجه دوه پوځیان مړه او یو بل زخمي شوی چې حالت یې هم بد رپورټ شوی دی.
له بلې خوا پرون د هندوستان په آسام صوبه کښې په یو ریل ګاډي کښې د چاودنې له امله ۱۱ تنه زخمي شول او تراوسه هیچا د دې چاودنې پړه نه ده منلې.
