د کشمير په کنټرول لائن کښې د هند او پاکستان د پوله ايزو ځواکونو ترمېنځ نښته

د پاکستان رسنيو د کشمير په کنټرول لائن کښې د هند او پاکستان د پوله ايزو ځواکونو ترمېنځ د نښتې خبر ورکړ.

زمونږ د خبريال د رپوټ له مخې پاکستاني رسنيو وويل، په دغه نښته کښې چې پرون رامنځته شوه يو ماشوم مړ او بل ژوبل شو.

په جمو او کشمير کښې د خاصو اختياراتو د لغو کولو او د دغې سيمې د نفوسي جوړښت د بدلولو لپاره د هند د حکومت له فېصلې وروسته د هند او پاکستان ترمېنځ تاوتريخوالے زيات شوے دے.