د کورونا وایروس په هکله ګټورې مشورې وګورئ

زمونږ خبریال وايي له کورونا وایروس څخه د ځان د بچولو لپاره د طبي کارپیژاندو ګټورې مشورې په ډاګه شوي دي .

طبي کارپیژاندي وايي که چیرې تاسو غواړئ چې ځانونه له کورونا وایروس څخه بچ کړئ نو خپل د بدن دفاعي نظام پیاوړی کړئ .

طبي کارپيژاندي وايي چې له کورونا وایروس څخه د ځانونو د بچ ساتلو لپاره هره ورځ زیاتې اوبه وڅښئ او د شپې اته (۸) ساعته خوبه وکړئ او له فاسټ فوډ (Fast food)یعني تیارو خواړو څخه ځان وساتئ .

طبي کارپیژاندي وايي خپلو ماشومانو ته د شیدو، هګیو ، کیلو ، کینوانو یعني مالټو  او د نارنجو په شان ګټور خواړه ورکړئ .

طبي کارپيژاندو د لاسونو د پاکولو یعني د هینډ سیناټایزر (Hand sanitizer ) د استعمالولو او ماشومانو ته د سپارښتنې مشوره هم ورکړي  ده .

طبي کارپيژاندي د کورونا وایروس په هکله وايي چې له پینځو (۵) کلونو د کم عمر ماشومان او له پنځوسو(۵۰) کلونو د زیات عمر لرونکي کسان له کورونا وایروس څخه زیات خطرونه لري .

طبي کارپیژاندي وايي چې له پینځو (۵) کلونو د زیات عمر لرونکي ماشومانو او له پنځوسو (۵۰) کلونو د کم عمر لرونکو خلکو د بدن دفاعي سیسټم پیاوړی وي او په کورونا وایروس له ککړیدا وروسته هم د بدن پیاوړی سیسټم هغوې سره مرسته کوي چې له دغه ناروغۍ روغ رمټ ووځي .

که چیرې تاسو غواړئ چې ځانونه له کورونا وایروس بچ وساتئ نو خپل بدن دفاعي سیسټم پیاوړی کړئ .

طبي کارپيژاندو په ورځنیز ژوند کښې د څو بنیادي شیانو د خیال ساتلو مشوره ورکړي ده او  ویلي یې دي چې زیاتې اوبه وڅښئ او ماشومانو ته د اوبو بوتلونه ورکړئ او ورته ووایئ چې هر وخت د اوبو بوتل له ځان سره وساتئ .

خپلو ماشومانو ته ووایې که چیرې تږي نه یاست بیا هم په دمې دمې سره لږ شان اوبه وڅښئ .

طبي کارپيژاندي وايي چې کورونا وایروس د  پوزې ، خولې او د   سترګو له لارې خولې ته ورننوځي او د زیاتو اوبو د څښلو له کبله خیټې ته ورځي او د طبیعي عمل په وسیله د خیټې دنده ایسډونه (acids) وژني او په مري کښې د کورونا وایروس د ښخیدا په وجه سږو ته د ننوتلو خطر لري .

طبي کارپيژاندي وايي چې په شپه کښې له اتو(۸) ساعتو څخه تر لسو(۱۰) ساعتونو پورې خوب وکړئ ځکه کومه ورځ چې  د ماشومانو خوب پوره نه وي نو د هغوې  د بدن دفاعي سیسټم کمیږي او ماشومان مه پریږدئ چې د شپې تر ناوخته ویښ وي .

طبي کارپیژاندي وايي فاسټ فوډز یعني تیار  خواړه برګر ، سانډویچ وغیره مه خورئ ځکه چې پکښې داسې کیمیاوي مواد وي چې له کبله یې خوب تښتي او دغه کار د انسان د بدن په دفاعي سیسټم اغیزونه اچوي .