د امریکا په شپږو ایالتونو کښې د رایو اچول ختم شوي
تسنیم خبري اژانس وايي رسنیو د امریکا په ورمونټ ، ویرجینیا ، جارجیا ، ساوت کیرولینا ، اینډیانا او کینټاکي ایالتونو کښې د ولسمشرۍ د انتخاباتو د رایو د اچولو د مهلت د ختمیدا خبر ورکړ .
دغه شپږ (۶) ایالتونه د امریکا لومړني ایالتونه دي چیرې چې د رایو د اچولو مهلت پاې ته رسیدلی دی .
د امریکا رسنیو ویلي دي په کینټاکي او اینډیانا ایالتونو کښې د ټولو اچول شویو رایو په شمیرل کیدا سره اوسنی ولسمشر ټرمپ په دواړو (۲) ایالتونو کښې بریالی شوی دی .
په عین حال کې نیویارک ټایمز ورځپاڼې د ډیموکراټ ګوند کاندید جوبایډن په ورمونټ ایالت کښې د انتخاباتو ګټونکی وباله .
په ساوت کیرولینا ، جارجیا ، ویرجینیا ایالتونو کښې تراوسه یو(۱) فیصده رایې شمیرل شوي چې پراساس یې ټرمپ په درې واړو ایالتونو کښې له جوبایډن څخه مخکی دی .
نیویارک ټایمز ورځپاڼې راپور ورکړی چې د ولسمشرۍ په انتخاباتو کښې د خلکو د ګډون اندازه به څه د پاسه اوه شپیته (۶۷) فیصده وي او دا په تیرو سلو (۱۰۰) کلونو کښې د خلکو ترټولو زیات ګډون ګڼل کیږي .
دغه راز د امریکا پخواني ولسمشر باراک اوباما د ولسمشرۍ د انتخاباتو د ټولو رایو له شمیرل کیدا مخکې د وارمخکې بریالیتوب د اعلانولو لپاره د اوسني ولسمشر ډونالډ ټرمپ په ارادې نیوکه وکړه او هغه یې یو(۱) ذلیل دیکتاتور وباله .
