د امریکا د انتخاباتو نتیجه سوکه سوکه اعلانیږي
زمونږ خبریال وايي د امریکا د ولسمشرۍ د نهه پنځوسمو (۵۶) انتخاباتو لومړۍ نتیجې د دې ښودنه کوي چې د ډیموکراټ ګوند کاندید جوبایډن په ویرجینیا ایالت او د ریپبلیکن ګوند کاندید ډونالډټرمپ په ساوت ورجینیا ایالت کښې زیاتې رایې ګتلي دي .
جوبایډن په ویرجینیا ایالت کښې په بریالیتوب سره وتوانیده د الیکټرول کالج دیارلس (۱۳) رایې وګټي .
ډونالډ ټرمپ هم په ویسټ ویرجینیا ایالت کښې په بریالیتو سره وتوانید د الیکټرول کالج پینځه (۵) رایې ترلاسه کړي .
ډونالډ ټرمپ له دې مخکې په اینډیانا او کینټاکي ایالتونو کښې بریالی شوی و او جوبایډن هم په ویرمونټ ایالت کښې زیاتې رایې ګټلي وې .
د امریکا د ولسمشرۍ په انتخاباتو کښې د ډیموکراټ ګوند کاندید جوبایډن تراوسه د الیکټرول کالج شپاړس(۱۶) رایې ګټلي دي او د ریپبلیکن ګوند کاندید ډونالډ ټرمپ هم د الیکټرول کالج دیارلس(۱۳) رایې ترلاسه کړي دي .
د امریکا د ولسمشرۍ د انتخاباتو په سیسټم کښې ولسمشر د الیکټرول کالج د غړیو لخوا چې شمیر یې پینځه سوه اته دیرش (۵۳۸) تنه دی انتخابیږي او هغه د خلکو نیغ په نیغه رایو سره نه انتخابیږي .
په دغه بهیر کښې د امریکا د ولسمشرۍ په انتخاباتو کښې هر کاندید باید د بریالیتوب لپاره د دوه سوه اویا (۲۷۰) الیکټرول کالج غړیو رایې لاس ته راوړي او د رایو د مساوي کیدا په بڼه کښې کانګرس بریالی کس انتخابوي .
