Mediat në Serbi në ekstazë pas deklaratave të Presidentit të Kroacisë për Kosovën
Pas deklaratave të Presidentit të Kroacisë Zoran Milanoviq se Kosova ka qenë pjesë e Serbisë dhe se është aneksuar nga bashkësia ndërkombëtare, gazeta kroate, “Jutarnj list” shkruan se mediat serbe kanë shpërthyer në ekstazë.
Madje disa tabloide që ia mbajnë krahun Presidentit të Serbisë Aleksandar Vuçiq Milanoviqin e kanë quajtur “vëlla serb”.
“Bravo vëlla serb, gëzuar, Zoki ti je i yni” janë disa komente në titujt e këtyre mediave
Presidenti i Kroacisë, Zoran Milanoviq ka mbajtur një konferencë për media në Petrinja, nga ku foli për luftën në Ukrainë, duke u shprehur kundër dërgimit të armëve atje.
Ndër tjerash, ai aty gjeti shkas të flasë edhe për Kosovën, duke thënë se ajo u aneksua nga bashkësia ndërkombëtare. Tani, sipas Milanoviqit, Rusia po e bën të njëjtën në Ukrainë, raporton agjencia kroate e lajmeve, Index, përcjell Gazeta Express.
“(Kosova) është rrëmbyer nga Serbia. Kosova është marrë nga Serbia, a është kështu? A e kemi njohur Kosovën, po e kemi njohur. Unë jam prapa Kosovës, por pasi kjo është bërë njëherë (aneksimi), pra pa vullnetin e shtetit (Serbisë), të cilës Kosova i ka takuar e kjo ka qenë Serbia, respektivisht Jugosllavia, e cila për ne nuk është shtet mik dhe as që jemi brengosur për ta, ka qenë vetëm çështje kohe se kur Rusia apo dikush tjetër do të bëjë të njëjtën dhe kjo tani po ndodhë”, ka thënë ai.
Presidenti kroat vazhdoi më tej dhe dikur tha se “nuk është në pyetje kontestimi i Kosovës”.
Vuçiq: Do ta dëgjoj me vëmendje deklaratën e presidentit të Kroacisë për Kosovën
Do ta dëgjoj me vëmendje deklaratën e presidentit të Republikës së Kroacisë, tha të hënën presidenti serb Aleksandar Vuçiq pas vlerësimit të Zoran Milanoviqit se Kosova është “rrëmbyer nga Serbia”.
– E pashë me një fjali atë që raportuan mediat, do të doja ta shihja atë deklaratë të presidentit kroat në tërësi, është përgjigjur Vuçiq i pyetur se si e komenton deklaratën e Milanoviqit.
Unë qëndroj pas Kosovës dhe e mbështes atë… Po kush e aneksoi Kosovën? Bashkësia ndërkombëtare dhe ne. Është vjedhur nga Serbia. (…) Nuk është aneksim, por kapje, një pjesë e territorit që u nxor nga Serbia. Si quhet? Nxjerrja. Nuk është qafa, është qafa. Kjo nuk është vënia në pikëpyetje e Kosovës, por e gjithë koncepti në të cilin dikush mendon se ka të drejtë për gjithçka kur i përshtatet, dhe kur tjetri e bën atë, atëherë është krim, u tha Milanoviç gazetarëve pasi përcolli kontingjentin e tretë kroat në Lituani. .
