Hamasi ka marrë përgjigjen e Izraelit ndaj propozimit të ri për armëpushim në Gaza
Lëvizja e rezistencës palestineze Hamas njoftoi se ka marrë përgjigjen e regjimit izraelit ndaj propozimit të Egjiptit dhe Katarit për një armëpushim në Rripin e Gazës.
“Hamasi ka marrë sot përgjigjen zyrtare të pushtuesit sionist ndaj propozimit të paraqitur nga ndërmjetësuesit egjiptianë dhe katariotë”, tha Khalil al-Hayya, zëvendësshefi i Byrosë Politike të Hamasit në Rripin e Gazës, në një deklaratë të publikuar të shtunën.
Zyrtari i lartë i Hamasit tha se ky grup tani do të studiojë dokumentin përpara se të japë një përgjigje.
Megjithatë, ai vuri në dukje se Hamasi mbetet i palëkundur në kërkesat e tij qendrore të cilat Izraeli deri më tani i ka refuzuar.
Ai tha se Hamasi kishte paraqitur një propozim realist për armëpushim në Rripin e Gazës që përfshin tërheqjen e forcave izraelite nga territori i rrethuar palestinez, lirimin e robërve izraelitë, kthimin e civilëve të zhvendosur dhe aksesin e papenguar në ndihmën humanitare.