Парлумони Тоҷикистон бо ҳадафи густариши гардишгарӣ ва ҷалби сармоягузорӣ дар ин бахш ширкатҳои гардишгариро аз пардохти молиёт озод кард.

Баррасии муҳимтарин таҳаввулоти ҳафтагии Тоҷикистон

Коршиноси масоили сиёсии Осиёи Марказӣ муътақид аст, ки тафаккури салафият барои кишварҳои минтақа ва Тоҷикистон дар оянда бисёр хатарнок хоҳад шуд ва бояд барои ҷилавгирӣ аз ин андеша барномарезӣ кард.

Хабари кушта шудани сарҳанги фирории тоҷик Гулмурод Ҳалимов дар Ироқу ҷангиёни тоҷики узви ДОИШ дар Афғонистон, баргузории нахустин намоишгоҳи иқтисодии Узбакистон тайи 25 соли ахир дар шаҳри Душанбе, афзоиши қимати доллар дар баробари сомонӣ ва болоравии нархҳо дар Тоҷикистон  аз ҷумлаи муҳимтарин  мавзӯъҳои матолиби нашрияҳои чопи ин ҳафтаи Душанбе аст.

Ҳайате аз Комиссияи саноати низомии Русия ва намояндагони Вазорати саноат ва фановариҳои ҷадиди Тоҷикистон дар нишасти муштарак протоколи ҳамкории байн ду кишварро дар ҳавзаи саноати дифоӣ имзо карданд.

Ширкатҳои Тоҷикистон ва Узбакистон дар поёни нишасти тиҷории худ дар Душанбе, 20 қарордод ба арзиши 35 миллион доллар имзо карданд.

Дар чорчӯби Анҷумани касбу кори маҳофили тиҷории Тоҷикистону Ӯзбакистон, ки рӯзи 19-уми апрел дар шаҳри Душанбе баргузор шуд, чанд тавофуқномаи ҳамкорӣ миёни муассисоти ду кишвар ба имзо расид.

Сандуқи байналмилалии пул коҳиши рушди иқтисодиро дар соли 2017 барои Тоҷикистон пешбинӣ мекунад.

Хабаргузории русии “Спутник” дар таҳлиле ба баррасии аҳдофи Арабистони Саудӣ дар Тоҷикистон пардохтаву ин мавзӯро ба ду омили ҳимояти Душанбе аз Риёз дар саҳнаи байналмилалӣ ва муқобила бо нуфузи Эрон дар Тоҷикистон гиреҳ задааст.

Дар ҳоле, ки Кумитаи марзбонии Узбакистон аз кушта шудани як шаҳрванди Тоҷикистон бар асари даргирӣ бо марзбонони узбакистонӣ дар марзи муштараки ин ду кишвар дар навоҳии Турсунзода ва Сариосиё хабар дод, Кумитаи марзбонии Тоҷикистон тарафи Узбакистонро муқассири ин моҷаро муаррифӣ карда ва гуфтааст, ки марзбони Узбакистон бо вуруди ғайримуҷоз ба умқи 100 метрии дохили қаламрави Тоҷикистон бо 3 чупони тоҷик даргиру яке аз ононро куштаанд.

Мизони қарзи корхонаҳои иқтисодии Тоҷикистон дар соли гузаштаи 2016 ба 4 миллиард доллар расидааст ва дар муқоиса бо соли 2015 афзоиши бештар нишон медиҳад.

Мақомоти Вазорати кишвари Туркия афроди вобаста ба Ҳизби мамнуи наҳзати исломии Тоҷикистонро аз қаламрави ин кишвар ихроҷ кардаанд.

Масъулони роҳи оҳани Суғд иттилоъ доданд, вагонҳое, ки рӯзи сешанбе аз хати роҳи оҳан хориҷ шуда ва ба чанде аз он вагонҳо осеб ворид шуда буд, дубора барқарор шудааст.

Тоҷикистон аз оғози соли 2017 ба Ӯзбакистон, Афғонистон ва Қирғизистон беш аз 113 ҳазор тон семент (симон) содир карда, ки ин мизон дар муқоиса бо давраи мушобеҳи соли қабл афзоиш ёфтааст.

Зиёратшоҳи Аҳмадшоҳ: Ожонси давлатии омори Тоҷикистон, вобаста ба ниҳоди раёсати ҷумҳурӣ аз коҳиши беш аз 11 дарсадии ҳаҷми тиҷорати хориҷии ин ҷумҳурӣ дар се моҳи нахусти имсол хабар додааст.

Ба гуфтаи ин манбаъ, тиҷорати хориҷии Тоҷикистон дар семоҳаи аввали  соли 2017  775.5 миллион долларо ташкил додааст, ки дар қиёс ба давраи мушобеҳи соли гузашта наздики 100 миллион доллар, ё 11.3 дарсад камтар будааст. Аз сӯи дигар гуфта мешавад, дар ин муддат содироти коло аз Тоҷикистон наздики 17 дарсад афзоиш ёфта, ба 230 миллон доллар расидааст.

Дар нишасти имрӯзи Маҷлиси вакилони халқи шаҳри Душанбе Рустами Эмомалӣ, писари бузурги раисҷумҳури Тоҷикистон ва шаҳрдори Душанбе ба симмати раёсати маҷлиси пойтахти ин кишвар интихоб шуд.

Муовини нахуствазири Русия пас аз баргузории мизи гирди баррасии “Имконоти ҷадиди иқтисодӣ ва чашмандози ҳамкориҳои Тоҷикистон бо кишварҳои узви Иттиҳоди иқтисодии АвруОсиё” дар шаҳри Душанбе, аз алоқамандии Тоҷикистон барои узвияти нозир дар ин иттиҳодия хабар дод.

Мизони кумакҳои муҳоҷирони тоҷик ба кӯдакони ниёзманд дар Тоҷикистон бо истифода аз имконоти шабакаҳои иҷтимоӣ ва маҷозӣ рӯ ба афзоиш аст.

Мудири Маркази содироти Русия дар Тоҷикистон бар ин бовар аст, ки кишвари Чин ба Тоҷикистон коло ва маҳсулоти бидуни кайфият ворид мекунад.