Tale Bağırzadə iyən Nardaranı hadisə coqlə zindoniyon vəşiyəti aksiyaşon təşkil kardə.
Zindonədə bə Azərbaycan Respublika mıslmonon ittifaği hərəkati rəis Tale Bağırzadə ıştə iyən Nardaranı hadisədə dəstqir bə kəson məhkəmə koon vədə etiraz kardeyu vəşiyəti aksiyaş təşkil kardə.
Bə Azərbaycan Respublika İslamin Səsi nomo bə sayti ımrujnə xəbon əsosi Tale Bağırzadə iyən çı məmləkəti xalğ partiya muavin Fuad Ğəhrəmanli iyən Nardaranı hadisə 16 qılə zindoni vəkil Elçin İmanov votışe: ım zindoniyon dekabri 19 minnə rujiku məhkəmə rəisi tərəfiku məhkəmədə bə çəvon iştiraki mane təşkil karde xoto vəşiyəti aksiyaşon təşkil doə.
İmanov ıştə sıxanon dəvomədə bə Nardaranı sənədi məhkum bə kəson bevəcə şərayet zindonədə işarəş karde və ıştə sıxanon dəvomədə əlavəş karde ım məhkum bə şəxson zindoni şərayet çok ni və sarde və çandə nəfər həm noxəş bən.