Ərdoğan Rusiyə və Ukrayna miyono tojə bıhrani siyasi royku həl karde tələb kardışe.
Tırkiyə prezident bə Rusiyə və Ukrayna miyono tojə bohrani muzakirə vositə həl karde təkid kardışe.
Bə Anadoli aqentiyəti raporti əsos Rəcəb Təyyeb Ərdoğan votışe: qıləy şərayetədə ki dınyoədə vey ciddi bohranon moşahidə bıdə Rusiyə və Ukraynaku intizore ki bohran icodəkə rəftoriku bəkəno bıbon və məntəğədə sulhi stabil karde çərçivədə həmkari bıkən.
Tırkiyə prezident ijən əlovəş karde: Ankaraçı sivə dıyo hamsoyə kişvəronku pidəşe ki əmniyyəti oqəte iyən ım dıyoədə sulhi dəvom karde xoto cəhd bıkən.
Tojədən 3 qılə çı Ukrayna hərbi qəmion Kerç tanqəku rəd bey bə Kerimədə bıə Rusiyə ovon sərzəmin varid bıə ki rə Rusiyə qəmion tərəfo çəvon qəmion mıhosirə və Ukraynia əsqəron dəstqir bıən.
Xəbə ome ki Ukrayniya prezident Petro Proşenkov ımrujnə rujiku ım kişvərədə hərbi vəzyət elanış karde.
Isət de ğərbiyə kişvəron xusosi Amerkə və Avropa təhrikəkə siyasəton məntəğədə vəzyət şe şe qıvonin bıdə.
Rusiyə və Ukraynia miyono əloğə və rabitəon Kiyevədə Miladi 2014 sori peqardımoni bəpeştə ki ğərbion tərəfo rəhbərəti be bə dave və canqi tərəf hərəkətış karde.
