İroni yolə Rəhbər: de Amerkə muzakirə hiç nəticəş ni.

İroni Yolə Rəhbər təkidış karde: de Amerkə muzakirə kardeku hiç nəticə hosil nibəbe boçi ki əvon yəğin iyən hukmən hiç imtiyozədə nin.

Həzrəte Ayətullha Xamenei zinə de beynəl xalğ istikbor mubarizə barədə milliyə ruji sorəqardışi Astanədə iyən çand həzo İroni tələbə şoqirdon və cıvonon vindımon mərasimədə əlovəş karde: moğabilə tərəf muzakirə mizi peştədə İroni rəsmi şəxson nıştə İroni təslim karde bə hisob vardedə və bə muzakirə israr kardeku çəy hədəf ıme ki bə dınyo nışo bıdə ki makzimum fişar siyasəton nəticə hosil be iyən İron təslim bıə.

İroni Yolə Rəhbər İronədə Amerkə səni bəton siyasi hakımiyət iyən nufuzi vəy qəte Amerkə xəbisə planon muğabilədə İroni vey muhimmə reaksiya bə hisobış varde və təsdiğış ka: de Amerkə muzakirə nıkarde prinsipi çand kərə tikror bəy təkid bə İron çəvon nufuzi vəy muhimmə əbzaronku qıləy niə.

İroni Yolə Rəhbər de Amerkə rəsmi şəxson Koba iyən şimoli Koreya dıvləton be nəticə muzakirəon iborətamiz bə hisobış varde və hamiyəş: Amerkə iyən şimoli Koreya çand kərə bə yande ğəbon şedə bin əmmo oxoy sə Amerkə bəştə şivə əsos muzakirədə hiç sanksiyaonış kam nıkarde və imtiyaz nıdoşe.

Həzrəte Ayətullah Xamenei bə Fransə dıvləti vositə çiti siyasətonədə israr işorə iyən votışe: Fransə prezident İronide Tramp vindemon karde həmmə bıhranon hələkə bə hisob vardəş be əmmo bəpe votımon ki oya vey sodə odəme ya de Amerkə həmdaste.

İroni Yolə Rəhbər ım soali bəyonış karde ki İroniku Amerkə tələb təvəğoon həd tosə kovəri votışone: Amerkə tələbon hiç faxt təmom ni bəbe.

İroni Yolə Rəhbər bə İroni rəketiyə ğudrəti iyən zəif karde sahədə Amerkə səy-cəhdon işorə və təkidış karde: ımruj de ilahiyə komək iyən cıvonon yolə iradəon 2 həzo kilometr məsofəş bıə rəketon nəmon heste ki karde bəzne de i metr xoto hədəfon məhv bıkə.