Rusiyədə İroni nat vəziri muzakirəon.

İroni nat vəzir zinə şəv Moskvaədə de Rusiyə enerji vəziri vindemon iyən nati vujor və muxtəlif həmkarion hevujəti barədə sohbətış karde.

Bə İrna raporti əsos zinə şəvi vindemonədə Bijən Namdar Zənqəne iyən Əleksander Noak 2 terefi əloğəon xusosi və keşmon,  enerji və nat beynəl xalğ vojori vəzyəti barədə Opek iyən ğeyri Opek həmkarion çərçivədə muzakirəşon karde. 

Rusiyə enerji vəzir təkidış karde ki de İron əloğəon bə mıəyyən bıə bərnoməon əsos bə inkişof bərəse votışe: əmə kamilən bo həmkarion hevojətiro 2 qılə kişvəri ali rəsmi şəxson tərəfo mıəyyən bıə siyasəton icra kardedəmon. 

Əleksander Novak bənə İron-Rusiyə ticarət və iğtisod əloğəon mıştərək kamissiya Rusiyəvıjə yol nat və enerji sahədə əloğəon həmmə tərəfinə inkişofi barədə ıştə rizoyəti elanış karde. 

Rusiyə enerji vəzir ijən votışe ki ım kamissiya 15-nə iclos i yonə manqi 18 İroni İsfəhanədə bərpo bəbe. 

İroni nat vəzir Bijən Namdar Zənqəne həm ım vindemonədə votışe: de Rusiyə rəsmi şəxson vindemon karde cərəyonədə nat və enerji sahədə əloğəon iyən nati vujori oxonə vəzyəti barədə sohbət bəbe. 

Zənqənə zinə bə Moskva varid bey faxti həm elanış kardə be: dınyoədə nati istehsol əkəyonku Rusiyə vey yolə muhimmə kişvər hisob bıdə çən İron deştə urusə doston nati barədə məslehət bəkay. 

​​​