Pokistoni parlamenti sədr: Seyd İbreym Rəyisi jimon, İslom dınyo və İroni royədə vəfğ be.
Pokistoni parlamenti sədr, İron İslom Respublika prezdent və deəy bə ico bıə şəhodəti, İslomi həmmə ummətiro qıləy yolə ğəmqinə hodisə zınəşe və votışe: Seyd İbreym Rəyisi jimon, bə islom dınyo və İroni millti xıdmət kardey royədə vəfğ be.
Milodi 2024 minnə sori Mayə manqi 19 minnə ruji İşəmbə əsrədə İroni şimol ğərbi şərği Azərbaycan ostani Vərzəğan məntəğədə İroni 8minnə prezdent, Ğiz Ğələsi nomo səddi oj bemoni mərosimiku oqardey royədə, çəy vərtəliyot suğutış kardə və milləti xadim, Seyd İbreym Rəyisi və İroni xarıci vəzir, Huseyn Əmirəbdullahiyan deəy bə ico bıə heyət şəhid bin.
Bə İrna raporti əsos, Seşəmbə rujədə Pokistoni milli parlamenti sədr, Sərdor Əyaz Sadığ bə İroni İslomi şura parlamenti sədr, Muhəmməd Bağır Ğalibaf qıləy mesajədə, İroni İslomi Respublika prezdent və deəy bə ico bıə heyəti şəhodəti bə İroni millət və devlət təsliyət votışe iyən əlovəş kardə: ım ğəmqinə hodisə, dınyo həmmə ictimaiyəti ğəmqinış kardə və ım saxtə şəroyetədə Pokiston İroni kənoədə bəmande və ıştə vəhdət həmhəmbəsteqi nışo bədoe.
