Məntəğə xaricədə bıə kişvəron bəbe məntəğə bıhranonədə mudaxiləşon nıbu.
İroni xarici vəziri muavin de Miyonə Şərği məsələonədə bıə Rusiyə prezidenti məxsus nəmayəndə vindımon iyən bə məntəğə bıhranon de məntəğə kişvəron əktivə huzur iyən roli həl karde təkidış kardə.
Bə İrib raporti əsos, Huseyn Caberi Ənsari zinə de Mixail Boqdanov vindımon karde cərəyani de terrorizm mubarizə barde sahədə bə 2 qılə kişvəri miyono əloğə dəvom doe ışarəş kardə iyən votışe: Miyonə Şərği barədə Rusiyə iyən İroni miyono nızə rabiton yəğin çı Fələstin, Yəmən və Suriyə bıhranon həl karde bois bəbe.
Boqdanov həm bə Miyonə Şərğ iyən Afriqa Şimalədə bıə tojə təhəvolaton ijən bəzi mıvcudə mırəkkəbə vəziyəti işarəş kardə ijən təsdiğ kardə: Rusiyə karde bəzne de İroni komək iyən siyasəton həminə mışkilaton həl bıkəy.
Əv bə Soçi iclosi əhəmmiyət işarəş kardə iyən votışe: muğəddəmə iclosi bəpeştə çı İron iyən Rusiyə heyəton bəştə kişvər obəqardın ta bo Suriyə milli votımonon kanqresiro həmohənq bıbun.
De İron, Suriyə iyən tırkiyə ğərolon bərobər Suriyə milli votımonon kanqres Yanvari 29 və 30 Rusiyə Soçiədə bərpo bəbe.
