Ərbəini Astanədə İron və İraği miyono həmkari və muzakirəon.
İroni xarıci vəziri muvan İrağədə muxtəlif rəsmi şəxson vindemon və Ərbəin Huseyni mərasimi çok dəvoniye barədə muzakirəş karde.
Huseyn Caberi Ənsari ıştə səfəri i minə mərhələ ədə de İraği məclesi rəis sohbətış karde.
Ərbəini şimon iyən bə zairon xidmət karde xoto İroni xarıci vəzir de İraği navnə i minə vəzir Nori Əlmaleki iyən İraği Əlfəth partiya yol Hadi Əlameri həm muxtəlif məsələon barədə votımonış karde.
İroni xarıci koon vəzir Rıza Rəhmani Fəzli həm ki İrağədə be de İraği daxıli koon vəziri sıxənəvot Səed Məen mıştərik xəbə iclosədə votışe: İron və İrağ bə Ərbəini zairon xidmət rosniyero vey çokə koon əncom doeşone.
İroni daxıli koon vəzir ımsornə sori Ərbəin Huseyni keyfiyətin bərpo bey xoto ğərare de İraği muxtəlif rəsmi şəxson vindemon və muzakirəş bıbu.
Oktiyabrə manqi 19, Səfərə manqi 20, şiəyon 3-nə İmom Huseyn(ə) və çəy bəfodorə yaron şəhodəti Ərbəine; har sor çand milyon zair ım mərasimədə iştirok kard xoto bə Kərbəlo səfər bəkan.
Dəvardə sor təğribən 14 milyon nəfər Ərbəin Huseyni şimonədə iştirok kardışone.
