Avropa bə İroni ijən ətomiyə sazışədə mande ehtiyocış heste.

İroni islamiyə şura məclesi xarıci siyasət və milli əmniyyət kamissiyə uzv bə ətomiyə sazışiku Amerkə xaric bey işorəş karde və votışe: ısətnə vəzyətədə Avropa yəğin bə İroni ətomiyə sazışədə mande ehtiyocış heste.

Bə İsna aqentiyəti raporti əsos, Seyed Husein Nəğəvi Huseyni əlovəş karde: ətomiyə sazışiku Amerkə xaric be zərəl-ziyanon Avropa tərəfiku təmin ni bəbe və əvon çı İroni həx-mənafe qarantiya karde əzınin.

İroni islamiyə şura məclesi xarıci siyasət və milli əmniyyət kamissiyə uzv ijən votışe ki bə İroni zid Amerkə qıləy koalisiya soxtə əzıni əlovəş karde: de Amerkə i tərəfiyə hərəkəton və bə İroni məclisədə təsdiğ bıə ğanuni əsos ısət Amerkə ətomiyə sazışi ujə-oşko ləğvış karde çən İron co hərəkəton əncom doero həxış heste.

Əmmo İroni xarıci vəziri moavin Seyed Əbbas İrağçi tojədən bə Yoro Niyoz aqentiyəti votışe: əqə Avropa İroni ətomiyə sazışi oqətə fikədən, bəpe Amerkə vədə be mandon iyən bə İroni zid bıə Amerkə sanksiyaon əvəzi bedən çəy zərol-ziyanon cobran bekon.