Ğasımi:bə Amerkə ısətnə devləti bovə ni.

İroni xarici koon vəzorətxonə sıxanəvot de Amerkə ısətnə devlət harqılə votımonış rəd karde və votışe:bə ım məmləkəti devlət bovə ni.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston xəbəriyə iclosədə İron və Amerkə ləfziyə problemon iyən 2 qılə məmləkəti muzakirə karde həxədə bəzi iddaon barədə əlavəş karde bə ısətnə şərayeti diğğət doe əsosi mincumlə atom sazışiku ğeyreğaniniyə holətədə Amerkə xaric be ,deşmenə hərəkəton və bə ironi milləti zid ixtisadiyə təziğon təşkil karde iyən tojə sanqsiyaon nəzədə qəte əsosi muzakirə kardeyu heç qılə şərayet ni.

Ğasımi,ironi Amerkə dasiku bə Hağa beynəlxalğə məhkəmə şikayəti barədə votışe:İron ıştə həxi bərpo kardeyu və ıştə bovə bə doə vədəon əməl kardeyu və atom sazışiku Amerkə ğeyreğanoni və 1 tərəfə xaric be diğğət doeədə ım ro iyən coqlə ğanoniyə roonku istifadə bəkay.

ironi xarici koon vəzorətxonə sıxanəvot atom sazışi çıcurə dəvom doe həxədə ironi bə Avropa doə vaxti barədə əlavəş karde İron və avropavıjə tərəfon miyonədə daimə əlağon dəvomış heste və çokə nəzəron həm muşahidə bedə və umumən mısbətə əlağon vindəmon.

İroni xarici koon vəzorətxonə sıxanəvot ,Fransə prezidenti məxsusə nımayəndə iyən siyasi muhimmə koonədə ironi xarici koon vəziri yolə mışoviri tojə vindımonədə və ım ki Fransə karde bəzne bıhroni həl kardeyu bə Suriyə komək karde votışe:tehronədə bıə Fransə səfiri məmoriyət orəxə və bı rujonədə Suriyə məsələdə Fransə prezidenti tərəfo məxsusə nımayəndə vıjniyə bə.

Ğasımi əlavəş karde tehronədə Fransə səfir de ironi rəsmi şəxson Xodahafezi vindımonon dəvonedə və çəy vindımon siyasi muhimmə koonədə de ironi xarici koon vəziri yolə mışovir Suriyə məsələdə bə Caberi Ənsari roli diğğət doe əsosi təşkil bə.

ironi xarici koon vəzorətxonə sıxanəvot Amerkə prezidenti tərəfo "ərəbiyə nato" plani barədə votışe:ım məsələ qıləy tojə bəhs ni və dəvardə rujonədə həm bəzi təhğiğatiyə mərkəzon və təşkilaton əvışon bəyon kardə be əmmo ımruj ım məsələ de blandə sədo bəyon bedə.

Ğasımi əlavəş karde Nato bə zəminə vəziyət iyən bəzi zərurəton və şərayeton əsosədə təşkil bə əmmo ərəbiyə məmləkətonədə bıə məsəlon bənə qıləy ruşinə həğiğət diğğət doeədə jıqonə iborəton oko doe səhve və nibəznemon ım məcmuə və Nato miyonədə bərobərəti və bə iyandı mande muşahidə karde.