Laricani:bə İron İslam Respublika zid Amerkə deşmenə rəftoron be cəvob nibəmanden.

İroni islamiyə şura məclisi rəisi votışe:bə İron İslam Respublika zid Amerkə deşmenə rəftoron be cəvob nibəmande.

İron İslam Respublika məclisi rəis Əli Laricani zinə tehronədə bıə Norveçi səfir de Lars Norrodom təşkil doə vindımonədə atom sazışiku Amerkə 1 tərəfə və ğeyreğanoniyə xaric be bəpeştə de İron bə Avropa itifaği yolon əlağə işarəş karde və votışe:Avropa tələbış kardə ki İron bənə Amerkə əməl nıkə və həmkarəti kardeyu fırsət bıdə.

Laricani votışe:İron dust və əpiş heste ki hozzın de coqlə roon de Tehron həmkarəti dəvom bıdən və əlavəş karde İron İslam Respublika de Amerkə davekarde holədəy və bə ım məmləkəti rəsmi şəxson mincumlə Amerkə president Donald Tramp çəy vaxtədə çokə cəvob  bədoy.

İroni İslamiyə şura məclisi rəis eyne holədə votışe:İron və Norveçı əlağon ğədimiy və votışe: atom təvafuği bəpeştə norveçi bəzi şirkəton ironədə fəaliyətışon kardə.

ironədə bıə norveçi səfir həm votışe 2 qılə məmləkəti əlağon parlamentiyə əlağon səviyədə çokə şərayetış heste və votışe:bəpe fəaliyət bıbo 2 qılə məmləkəti ixtisadi və ticariyə əlağon inkişaf bıkən.

ironədə bıə norveçi səfiri həm votışe Norveç fəaliyət kardə ta İron atom sazışədə bımando və əlavəş karde Norveç de İron ıştə həmkarətion ixtisadi və vıjori kəsb-koədə dəvom bədoy.