De həzrət imom Muhəmməd Təği şəhodəti mınosibəti səbəsəloməti

Dınyo şiəyon 9 nə imom həzrət imom Muhəmməd Təği(ə) Cəvaduləimmə şəhodətə şəvi islamiyə İron bə matəmə mərasimon şohid be.

Imruj hicri ğəməri 1439 nə sori ziğədə 29 bərobər de milady 2018 minnə sori avqosi 12 Həzrət imom Muhəmməd Təği(ə) şəhodəti sorəqardışe.

Həzrət imom Muhəmməd Təği(ə) hicri ğəməri 195 nə sori rəməzanə manqədə bə dınyo omə və ıştə əzizə dədə dınyo şiəyon 8 nə imom Həzrət imom Rıza(ə) şəhodəti bəpeştə mıslmonon imomət və rəhbərətiş bə qi qəte.

İmom Cəvad(ə) jimon və imoməti devran islamiyə tarixi inkişaf karde iyən islam dınyoədə  bovəon və fəlsəfiyə fikon inkişafi əsr be.

De mıxtəlif məzhəbon alimony bəhs və munazirə icloson bərpo karde ,millət və məxsusən alimony təlim və tərbiyət doe iyən zəmonə rəhbəron bə insoni zid siyasəton oşko karde ,mincumlə həzrət imom Muhəmməd Təği(ə) elmi,mədəni və siyasiyə fəaliyətonku bə.

İslamiyə ironi həmmə ostanonədə cəmaət Həzrət imom Muhəmməd Təği(ə) şəhodəti sorəqardışə şəvi iyən rujədə məçiton təkiyəon,ironi şimal şərğ Məşhəd şəhrədə şiəyon 8 nə imom həzrət imom Rıza(ə) pokə hərəmədə iyən tehroni cənub  ğomı mığəddəsə şəhrədə Həzrət Məsumə(s) pokə hərəmədə matəmə mərasimışon bərpo karde.

İron İslam Respublika telerədyo dınyo şiəyon  9 nə imom Həzrət imom Muhəmməd Təği(ə) şəhodəti sorəqardışi mınosibəti bə dınyo mıslmonon iyən ozodəti tələb kardəkəson səbəsəloməti dodə.