İnğilabi yolə rəhbər:de Amerkə muzakiyə nibəkamon.

İroni islamiyə inğilabi yolə rəhbər,sanksiya,canq və muzakirə həxədə bə Amerkə rəsmi şəxson beədəbə qəpon işarəş karde və votışe:canq nibəbe və muzakirə həm nibəkamon.

Həzrət Ayətullah Xamenei zinə sıb mıxtəlif qruponədə bıə cəmaəti çandə həzo nəfərə vindımonədə ıştə muhimmə sıxanonədə votışe:canq nibəbe çunki əmə bənə dəvardə rujon heç vaxti canqi təşkil əkə nibəbemon və amerkəvıjon həm hucumi təşkil nibəkan çunki zındən 100 faiz bə çəvon ziyan obərəxəy,çunki islamiyə respublika və ironi millət subutış kardə bə ha hucumkardəkəsi qonə zərbə bəjəy.

İslami inğilabi yolə rəhbər de Amerkə muzakirə karde məsələ həxədə həm votışe: dəğiğə dəlilon xoto,iyən dəvardə rujon təcrubə və de mıtəğəllib və zuəvotə rejim təşkil doə muzakiron  vədə veyə ziyanon xoto de Amerkə muzakirə nibəkamon.

Yolə rəhbəri atom sazışış de Amerkə muzakirə karde oşkoə nəticəş zınə və votışe: muzakironədə bə amerkəvıjon metodi əsosi dınyoədə ha devlət ki dəvon muzakirə bıkə de problem dim bə dim bəbe məqər de Vaşinqton ilə cəhətdə hərəkət bıkə ki əlbətdə Amerkə ısətnə devlət hətta bə avropavıjon həm zu votedə.

İslami inğilabi yolə rəhbəri eyne holədə dəvardə haftəonədə bə yəmənı zid səudion 2 qılə cinayəti həxədə yəni noxəşxonə bombardımon iyən bə yəmənıjə hırdəniyon maşini hucum və be qıno iyən be pənohə hırdənonku çandə 10 nəfəri ğətliam kardeku işarəş karde və votışe:dınyo vicdon ım  cinayəton vədə pelarzə, əmmo amerkəvıjon ım beşərmə  cinayəton məhkum karde əvəzi de səudion ıştə stratejikə əlağonku qəpışon jə. və ım sualışon bəyon kardə ki aya amerkəvıjə məsul şəxson həğiğətən insonin?

yolə rəhbəri təğribən 2 həzo hırdəni çəvon inəku cokarde və əvoni ğəfəsdə oqəteş ım odəmon muhacir be  bəhonədə qıləy təcrubə nıbə cinayətış zınə və əlavəş karde bə təəcub bois bə məsələ ıme ki  amerkəvıjon har qılə xəcolət və şərmiku bə kəno ım cinayətışon dınyo çəşi vədə  təşkil kardən.

Həzrət Ayətullah Xameni  votışe:İron bə 2 qılə dustə məmləkət yəni Suriyə və İrağ, Amerkə və səudion təhdidon vədə koməkış kardə ki ım koməkon ,Dustə devləton miyonədə curi həmkarətiy.

inğilabi yolə rəhbəri ıştə sıxanon coqlə  baxşədə millət və məsul şəxson miyonədə bə umumiyə vəhdəti zərurəti işarəş karde və votışe:məmləkətdə heç qıləy həl nıbə məsələ ni və məsul şəxson ,devlət və məclis iyən məhkəmə təşkilaton bəpe de fəaliyət, mıştərəkə ko və koəzınon nəzəku istifadə kardeədə problemon və təziğon milləti qiku peqəton.