Cəhanqiri: de Amerkə muzakirə ğəbul bənin ni.
İroni prezidenti i minə muavin Amerkə deşmənə siyasəton iyən İroni ətomiyə təvafuğiku Trampi xarıc bey məhkumış karde və votışe: de diğğət bə Amerkə dıvləti deşmənə siyasəton və be ehtıromə rəftoron ijən de Vaşenqton muzakirə ğəbul bənin ni.
Eshağ Cəhanqiri bə Amerkə təbliği və mas mediya sahədə canqon İroni təziği jiədə ğəror doe xoto işorəş karde və votışe: Amerkə İroni bə dəvom barədə iyən təslim karde pidəşe əmmo de millət və rəsmi şəxson səy-cəhdon deşmən məğlub bəbe.
İroni prezidenti i minə muavin bə dəvardə 4 manqi mıddətədə İroni nat həvatə iyən və aliyota sahədə vəzyəti çok bey işorəş karde və bo omə zəmoni həmmə lozimə tədbiron nəzərdə qəteku xəbəş do.
De İroni İslami Respublika Amerkə prezidenti əvomi bə dast dənoə muzakirər tələb və iddio qıləy holədəy ki Trump Mayə manqi 8 bə İroni zidd be əsosə ittihamon tikror karde, ətomiyə sazışiku Vaşenqton xarıc bey və ətomiyə sanksiyaon oqarde detosə omə manqon elanış kardə.
Trumpi ım hərəkət de daxili və beynəl xalğiyə zumandə məhkumiyət dim bə dim bıə.
