Ğasımi:Amerkə bə ironi zid deşmenə rəftoron beynəlxalğə ğanononku bə kənoy.
İroni xarici koon vəzorətxonə sıxanəvot,Amerkə tərəfo bə ironi zid komitə təşkil does ım məmləkəti deşmenə siyasəton cəhətdə iyən beynəlxalğə ğanononku bə kənoş zınə.
Bə ironi beynəlxalğə kanali jurnalisti elanon əsosi ironi xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston təşkil doə iclosədə Amerkə xarici koon vəzorətxonədə bə ironi zid komitə təşkil doe barədə votışe:ım məmləkəti rəftor və əməlon,həmmə beynəlxalğə məlum bə ğanononku bə kənoy və jıqo əməlon bə heç qılə nəticə nibərəse.
İroni xarici koon vəzorətxonə sıxanəvot,avropavıjon fəaliyət ,ixtisadiyə məsləhəton təğdim kardeyu iyən ironədə avropaiyə şirkəton huzuri barədə votışe:Avropa itifaği siyasiyə fikon ve ruşine.
Həm Avropa itifağ və həm Rusiyə və Çin bənə atom sazışi coqlə tərəfi 2 qılə uzv,Amerkə xaric be bəpeştə ixtisadiyə həmkarəti cəhətdə inkişafışon bə.
İroni xarici koon vəzorətxonə sıxanəvoti votışe: ko bə nav şeku kamilə roziəti ni və əlavəş karde avropavıjə məmləkəton de veyə ciddiyət və lozim bə surəti ım cəhətdə ıştə fəaliyəton dəvom bıdən.
Ğasımi,Almaniya sədreəzəm Anqela Mrkelı sıxanon həxədə atom sazışi hifz kardeyu ım məmləkəti mısbətə nəzə barədə iyən həmzəman ironi rəketinə bərnamə inkişafiku ım məmləkəti niqəran mande həxədə,jurnalisti cəvobədə votışe: Aimaniya sədreəzəm ıştə nəzəş votə və atom sazışədə de İron muzakirə əkə məmləkəton,rəketinə bərnamon və atom sazışi bəhson co beku aqahətişon heste.
Ğasımi əlavəş karde Almaniya sədreəzəm və çəy məsləhətçion bəpe bıznon ki atom sazış və ironi rəket bərnamon 2 qılə coə məsələn və deyandı əlağədə nin ,ironi rəket bərnamon muzakirə kardənin nin.
Ğasımi,ironi xarici koon vəzir Muhəmməd Cəvad Zərifı qəpon barədə de İron əlağə təşkil karde vədə avropavıjon ıştəni bə saxtə şərayeti tərəf nıbarde həxədə və ımki Tehron çəxtə avropavıjon hozzı mandeyu çəş bəkay votışe:İron intizarış hest bı ki avropavıjon de veyə surəti ıştə əməliyə məsləhəti bəyon bıkə ki bəzi dəlilon xoto mincumlə ixtisadiyə əməlon nığıl be iyən Amerkə təziğon xoto ko ve orom bə nav şedə.
Ğasımi ,İron və əfğanistanı miyonədə mukəmələ həmkariyə sənədi barədə və çəy domo qəte həxədə həm votışe: 5 qılə komitə bə lozimə nəticon rəsən və komitəon sənədi hozzı kardeyu bə ciddiyə muzakiron daxil bən.
ironi xarici koon vəzorətxonə sıxanəvoti votışe: 2 qılə məmləkəti əlağə çokə şərayetdəy və irağədə tojə devləti təşkil beədə həmkarətion de ciddiyət dəvom pəydo bəka.
