Ğasımi:İron və Avropa itifaği maliyə həmkarətion bə nəticə rosne domoədəmon.

İroni xarici koon vəzorətxonə sıxanəvoti votışe: İron və Avropa itifaği maliyə fəaliyət SPV domoədəmon və ım cəhətdə İron İslam Respublika intizaron kamilən ruşine.

İroni xarici koon vəzorətxonə sıxanəvot Bəhram Ğasımi zinə İron və Avropa itifaği maliyə fəaliyət ya həmon SPV həxədə daxili və xariciyə jurnaliston xəbəriyə iclosədə əlavəş karde məxsusə dəlilon xoto desbə ısət ım bərnamon  komilə sorətədə bə nəticə rəsə ni eyne holədə Tehron bovəş heste  navədə bıə tərəfon de veyə iradə və ciddiyət əməl bıkən ta 2 tərəfi miyonədə maliyə fəaliyəton əncom bıbo.

Ğasımi,atom sazışiku  Amerkə xaric be bəpeştə avropavıjon doə vədəon icra karde zəmani dıroz be barədə əlavəş karde maliyə fəaliyəton icrayi be bə zəman ehtiyociş heste və məsələ nığıl be  iyən Amerkə veyə təziğon bə maneon icod be bois bə.

İroni xarici koon vəzorətxonə sıxanəvot bə İroni rəket bərnamon zid Amerkə təbliğatinə tojə hərəkəton iyən Amerkə xarici koon vəzorətxonədə inti İron hərəkati qrupi rəis Brayan Hokı qəpon həxədə ki hərbiyə roon vocodiku işarəş kardə be votışe: ım amerkəvıjə rəsmi şəxsi sıxanon ki bəzi vaxton bə hırdəniyon tiyatr daxil bedə ki xəyli bəvonku cəvob doe erjış ni çunki rəğ rişəku məntiğiku bə kənon.

Ğasımi votışe:mudafiyə ğıvvə zumand karde İslamiyə Respublika mudafiyə siyasət və deşmenon vəy qəteyu nəzədə qətə bə tədbire və cokəson nibəznen İroni mudafiyə zumandəti vədə mane təşkil karde.

İroni xarici koon vəzorətxonə sıxanəvoti əlavəş karde qıləy holədə ki Amerkə cur bə curə dəhşətinə silahon bə məntəğə məmləkəton ixracat kardə və bıhroni ve kardə de ğətiyəti mudafiyə ğıvvə inkişaf doeyu bə məntəğə coqlə məmləkəton sifarış karde əzın ni.

Ğasımi votışe:bə İroni zid hərbiyə roonku istifadə karde tarix dəvardəy və çəy əməliyati karde mumkin ni və ım həm Hokı təcrubə nıbeku hikayət kardə çun ki İron qıləy zumandə məmləkəte və coqlə məmləkətonədə ki de hucum dim bə dim bən fərğ dodə.

İroni xarici koon vəzorətxonə sıxanəvot bə İroni zid Amerkə təhdid əkə iddaon ve beku və atom sazışiku Amerkə xaric be bəpeştə diplamatikə təşkilati təziğonku işarəş karde və votışe: bə Tehroni zid  Vaşinqtoni təhdidon qıləy tojə məsələ ni bəlkə de İron deşmenəti karde və İroni  zəif kardeyu fəaliyət islamiyə inğilabi səbarzəti bəpeştə Amerkə məlumə siyasətonku bə və ısət həm heste.

İroni xarici koon vəzorətxonə sıxanəvot Əfğanistanı bıhroni həl kardeyu cenevrə beynəlxalğə iclos və ım məmləkəti işarə Əfğanistanı  bıhroni həl kardeyu hamsuyə məmləkəton mincumlə İroni roli həxədə beynəlxalğə kanali jurnalisti suali cəvobədə votışe: İron həmmişə Əfğanistanədə sulh və oroməti təşkil kardeyu ıştə hoozıətiş elan kardə və de ğətiyəti Əfğanistan İroni tərəfo oroməti təşkil əkə roliku aqahətiş heste.