Bə qıləy rivayəti əsosi de Həzrət Fatimə Məsumə(s) şəhodəti sorəqardımi mınosibəti səbəsəloməti.

Imruj 1 şanbə hicri şəmsi 1397 nə sori dey manqi 30 bərobər de hicri ğəməri 1440 nə sori cəmadiuləvələ manqi 13 və milady 2019 minnə sori yanvari 20 bə qıləy rivayəti əsosi islami əzizə peyğəmbər Həzrət Muhəmməd(s) əzizə kinə və dınyo şiəyon 1 minnə imom Əmirəlmomenin Əli İbne Əbitalib(ə) həyat həmro Həzrət Fatimə Zəhra(s) şəhodəti sorəqardışe.

Əhlebeyte ismət və təharət(ə) aşığon,məçiton,huseyniyəon,məzhəbiyə vıron mığəddəsə Məşhəd şəhrədə Həzrət imom Rıza(ə) pokə hərəm və Ğom mığəddəsə şəhrədə Həzrət Məsumə(s) pokə hərəmədə islami əzizə peyğəmbər(s) kinə məzlumə şəhodəti qorə matəmə mərasimədə iştirakışon kardə.

Həzrət Fatimə Zəhra(s) besəti 5 nə sori cəmadiulsani 20 nə ruji Məkkə şəhrədə bə dınyo omə.

Həzrət Fatimə Zəhra(s) hırdənətiku ıştə əzizə dədə Xıdo rəsul(s) hidayətonədə ilahi aliyə muarifədə oşno be

Həzrət Xıdavəndə xalıği məxsusə bandonku qıleni be ki ilahiyə elmon sərçəşməku veyə bəhrəş bardə be.

Həzrət Fatimə Zəhra(s) ıştə jimoni sərasərdə  səxavət, ıştə coniku dəvarde,səbr, ğənaət və pərvərdiqari ibodət və ıştə dasti jiyədə bə odəmon komək kardeş həmməysə çok və mahbobə holətədə nışonış do və yol iyən tarixəsoxtə insonon bənə İmom Həsən və İmom Huseyn(ə) həzrəti domənədə yol bin.

Həzrət Fatimə Zəhra(s) 18 sor jimoni bəpeştə ,ə devrədə bıə hakimon veyə zılmon və əzobon xoto iyən ıştə əzizə dədə Həzrət Muhəmməd(s) bə rəhmət şe ğəmiku bə qıləy rivayəti əsosi  cəmadiuləvvəli 13 və bə coqlə rivayəti əsosi hicri ğəməri 11 minnə sori cəmadiulsani 3 nə ruji bə şəhodət rəsə.

İron İslam Respublika telerədyo təşkilat bə qıləy rivayəti əsosi Həzrət Fatimə Zəhra(s) şəhodəti sorəqardışi mınosibəti bə həmmə mıslmonon və dınyoədə ozodəti tələb kardəkəson səbəsəloməti dodə.