De Həzrət imom Əliyən-Nəği(ə) şəhodəti sorəqardışi mınosinəti səbəsəloməti.

Imruj 1 şanbə hicri ğəməri 1440 nə sori rəcəbə manqi 3 bərobər de milady 2019 minnə sori marti 10 dınyo şiəyon 10 minnə imom həzrət imom Əliyən-Nəği(ə) şəhodəti sorəqardışe.

İmom Əliyən-Nəği(ə) hicri ğəməri 212 minnə sori Mədirə şəhri neziyədə bə dınyo omə və ıştə əzizə dədə İmom Cəvad(ə) hidayətunku bəhrəş barde.

Həzrət ıştə əzizə dədə şəhodəti bəpeştə islamiyə ictimaiyəti imomət və rəhbərətiş bə ehdə qəte.

İmom Əliyən-Nəği(ə) məşhorə ləğəbonədə Hadi hidayətəkə mənoədəy.

İmom Hadi(ə) həğiğiyə islami sima nışon doeyu ve fəaliyətış karde.

Həzrət,əğidəti,fikri və ya ictimaiyəti mıxtəlif məsəlon barədə bəhs kardeyu veyə iclosonış bərpo karde və ım iclosonədə bə sualon və şubhəob cəvob dodə be.

elm və ədəbı yolonku xəylion İmom Əliyən-Nəği(ə) tono qırdə əbin və həzrəti  intıvoş nıbə elmonku bəhrə əbin.

İmom Hadi(ə)  i tərəfədə veyə elm  və co tərəfədə cəmaəti miyonədə cəzbin be xoto bə əbasi hakimon ki-kodorət bois be və nəhayətdə de qıləy fitnəqərə hərəkət həzrətışon bə şəhodət rosin.

İron İslam Respublika telerədyo təşkilat de Həzrət imom Əliyən-Nəği(ə) şəhodəti sorəqardışi mınosibəti bə həmmə mıslmonon və dınyoədə ozodəti tələb kardə kəson səbəsəloməti dodə.