İroni ətomiyə ehdemonon kam bey 2-nə ğədəm bino be.

İroni xarıci vəziri siyasi muavin bə Avropa 60 rujə doə mıhləti təmom bey işorəş karde və votışe: çumçiku Avropa İroni ətomiyə sazışi çərçivədə bəştə ehdemonon əməlış nıkarde İron həm 2 minə ğədəmi icraş karde.

Seyed Əbbas İrağçi zinə əlovəş karde: İron 2 minə ğədəmədə ım sazışi çərçivədə urani qəncin karde barədə məhdodiyəton rioyət ni bəkay.

Əv İroni ım ğəroli ətomiyə sazışi oqəte çərçivədə zınəş be və votışe: əqə Avropa ijən bə ehdemonon əməl nıko Tehron 60 ruj bəpeştə 3 minə ğədəmi pebəqəte.

İroni xarıci vəziri siyasi muavin təkidış karde ki Amerkə sanqaiyaon dəvom iyən Avropa bədəhdion bəzne ətomiyə sazışədə bə İroni iştirok orəx bıdə.

Əv Amerkə tojə hərəkət ətom enerji beynəl xalğ təşkilati məxsusə iclosi İroni ım ğəroli barədə dəvoniyə tələb karde qıləy məsxərəku hisobış karde və votışe: Amerkə ki ətomiyə sazışiku xaric bıə karde ni bəzne jıqo icloson dəvoniyə tələbəkə bıbu.

Seyed Əbbas İrağçi əlovəş karde: Avropa, Rusiyə və Çin bə Amerkə ım tələb etenoşon nıkarde və ım Amerkə bə təcridış bois bıə.