De dınyo şiəyon 4 minnə imomi şəhodəti sorəqardışi mınosibəti səbəsəloməti.

Imruj 5 şanbə hicri ğəməri 1441 minnə sori məhərrəmə manqi 12 bərobər de milady 2019 minnə sori sentiyabri 12 Xıdo rəsul(ə) pokə avlodonku Həzrət İmom Huseyn(ə) zuə İmom Zeynulabidin de Səccadı ləğəb bıə əzizə imomi şəhodəti sorəqardışe.

İmom Zeynulabidin(ə) dınyo şiəyon 4 minnə İmom hicri ğəməri 38 nə sori Mədinə şəhrədə bə dınyo omə,həzrət qıləy devranədə jidə be ki ruzqar islami əzizə peyğəmbər(s) ailəyu ve saxt dəvardə be.

İmom Səccad(ə) ki Kərbəlo hadisədə noxəş be,İmom Huseyn(ə) əzəmətinə ğiyami bəpeştə ,ım ğiyami mesaji pevılo karde iyən ıştə əzizə dədə ro dəvom doeyu qonə məsuliyyətış bə  qi hest bı vəım ğiyami mahiyyət və əhəmmiyyəti nışon doe cəhətdə veyə fəaliyyətış karde.

şiəyon 4 minnə İmom islamiyə tarix və mədəniyyəti bino karde iyən kərimə ğıroni əslımandə təlimaton inkişaf doeyu ve cəhdış karde və dıştə nığılə nəzəron,mıslmonə alimonış tərbiyət karde ta çı royku kərimə ğıron və islam peyğəmbər(s) səhihə ro hifz bıbo.

Həzrət,ləyoğətışon bıə insonon cəm kardeədə bəvon diniyə təlimış do ta bə dərəcə ki bə tarixi rəvoyət,ə həzrəti yolə şaqirdon 170 nəfərisə ve ğeyd bə.

İmom Səccad(ə) coqlə erjinə mirosonku ki mıslmononru noəşe "Səhifə Səccadiyə" nomo bıə kitobe,ım kitob hərçənd dıvo əsosədəy əmmo elmon və islamiyə məarif iyən irfan,şəriyə ğanonon və əhkam ,siyasi muhimmə məsələon.ictimaiyət,tərbiyəti və əxlağiyə həğiğətonku iborəte.