İnğilabi yolə rəhbər:de Amerkə heç qılə səthədə muzakirə nibəkamon.

İslami inğilabi yolə rəhbəri,Amerkə tərəfo muzakirə karde mevzo tojədən bə miyon omeku işarəş karde və votışe:İslamiyə Respublika həmmə məsul şəxson de vahidə sədo bovəşon heste ki de Amerkə heç qılə səthədə muzakirə nibəbe.

Həzrət Ayətullah Xamenei ımruj xarece feğh dərsi əvvələdə dini elmiyə hozəon təhsiliyə sori əvvələdə Amerkə hədəfış muzakirə məsələ bə miyon vardeku ıştə tələbon bərpo karde və bə İroni zid veyə təziğon nəticə sobot kardeş zınə və votışe:maksimom təziğon siyasət İroni milləti vədə heç qılə erjış ni.

İnğilabi yolə rəhbəri bə Amerkə  rəsmi  şəxson fərğ doə siyasəton muzakirə barədə işarəş karde və votışe: bəzi vaxt votedən,be şərt,qah votedən muzakirə de 12 qılə şərti jıqo sıxanon ya çəvon probleminə siyasətonkuy və ya qıləy ro navədə bə tərəfi sə ğal kardeyuy.

əlbətdə İslamiyə Respublika sərqərdon nibəmande,çun ki çəmə ro ruşine və zındəmon çiç kardəmon.

Yolə rəhbəri votışe: jıqo muzakironru bəpe bə kəson sorəğ bışən ki bənə zandəqo əməl kardən.

islamiyə Respublika mominə Respublika,Əllah mıslmonon Respublika iyən izzət və yoliyəti Respublikay.

İslamiyə inğilabi yolə rəhbəri əlavəş karde əqər Amerkə ıştə qəpiku oqardo və tubə bıkə və bə atom sazış ki əvış bə lınqi ji noə oqardo bəvədə sazışi təşkil doə məmləkəton cəmədə ki de İron  muzakirə kardən Amerkə həm bəzne iştirak karde əmmo əqər jıqo nıbo heç qılə muzakirə heç qılə səthədə islamiyə Respublika məsul şəxson və Amerkəvıjon miyonədə təşkil əbı ni ne Niyuyurkədə və ne coqlə vırədə.