Musəvi:İron atom sazışədə ıştə təəhhodom kam kardeyu 4 minnə ğədəmi peqəteyu hozzıy.
İroni xarici koon vəzorətxonə sıxanəvot,atom sazışədə təəhhodon kam kardeyu,4 minnə ğədəmi peqəteyu Tehroni hozzı mandeku xəbəş do.
İroni xarici koon vəzorətxonə sıxanəvot,atom sazışədə təəhhodon kam kardeyu,4 minnə ğədəmi peqəteyu Tehroni hozzı mandeku xəbəş do.
İroni xarici koon vəzorətxonə sıxanəvot sed Əbbas Musəvi zinə daxili və xariciyə jurnaliston iclosədə atom sazışədə təəhhodon kam kardeyu 4 minnə ğədəmi peqəte həxədə votışe:4 minnə ğədəmi planon hozzı bən və İron çəy icra kardeyu hozzıy.
Musəvi eyne holədə ommidvarətiş karde atom sazışədə mandə məmləkəton ıştə təəhhodon əncom bıdən ta ko bəvrə nırəso ki İron ıştə təəhhodon kam kardeyu 4 minnə ğədəmi icra bıkə.
İroni xarici koon vəzirətxonə sıxanəvot atom sazışi hifz kardeyu bə Fransə və Yaponiya 18 milyard dollariyə plani həxədə votışe:ım həmonə plane ki Fransəvıjon çəy domoədə bən və desbə qıləy mərhələ həm əvonış bə nav barde əmmo çəyo ki bəpe coqlə məmləkətonku icazə əstənin desbə ısət bə nəticə rəsə ni.İroni xarici koon vəzirətxonə sıxanəvot sed Əbbas Ərağçi eyne holədə bə Livani dəvardə rujon no oromətion işarəş karde və votışe:İron məmləkəton daxiliyə koonədə mudaxilə kardə ni və ommidvare həmmə qrupon və partiyaon həmroətiədə oroməti və Livan oqardo.
İroni diplamatiya təşkilati sıxanəvot Tırkiyə cəhdonku Suriyə əraziədə hərbiyə poston və mərkəzon icod karde həxədə votışe:tırkon bəznen ıştə sərhəddonədə hərbiyə mərkəz icod karde əmmo Suriyə əraziədə hərbiyə mərkəzon icod karde ğəbul bənin ni. Və bə İ bə Milləton təşkilati qıləy mıstəğillə uzv bə məmləkət təcavuz kardeye.
Musəvi Əfğanistanı oxonə vəziyyəti barədə əlavəş karde İron vahidə Əfğanistan və çı məmləkəti ısətnə ğanoniyə devlətiku himoyə bəkay və bovəş heste həmmə əfğaniyə qrupon bəpe devlətdə şirkət bıkən və çı məsələ ro xariciyə tərəfon mudaxiləku kəno votımon dəvoney.
İroni xarici koon vəzorətxonə sıxanəvot Aməd niyuz nomo bə deşmenə sayti yol Ruhulla Zəmı dastqir karde həxədə işarəş karde və votışe: Zəm de cəsusiyə təşkilaton iyən təxribatinə mərkəzon əlağəş bə və oşkoə holətədə həm bəy etirafış kardə.
Musəvi eyne holədə İron İslam Respublika prezdent Həsən Ruhani bə Azərbaycan Respublika paytəxt Boku şəhr səfər kardeku xəbəş do ki Nəm ya həmon omoj nıqıniyə məmləkəton iclosədə iştirak kardeyu əncom bedə və əlavəş karde ım iclos cumə və şanbə rujonədə Azərbaycan Respublika paytəxdə bərpo bəbe.
