İron və Pakistani miyono hərbi əloğəon.

İroni ərtış dıyo ğıvvon fərmondə zinə bə Pakistan səfəri 2 minə rujədə ım kişvəri dıyo ğıvvon təsisot və elmi iyən sənaye mərkəzonku diyəş karde.

Admiral Husein Xanzadi ki bə Pakistan səfərış karde zinə de Pakistani dıyo ğıvvon fərmondə həm vindımon və muzakirə kardəş be.

Muzakirəon mehvər həmmə tərəfinə əloğəon inkişofi zərruriyat ğeyd bıə.

Admiral Xanzadi ım səfərədə bə məntəğə zərfiyəton işorəş karde və votışe: deşmən pidəşe məntəğə kişvəron miyono təfrəğə icod bıkə əmmo milləton və dıvləton bəpe huşin bıbun.

Pakistani dıyo ğıvvon fərmondə Zəfər Məhmud Əbbasi həm bə İron Pakistani miyono bıə viyə zərfiyəton iyən mıştərik noğtəon işorə və əlovəş karde: bo iğtisodi həmkarionro çokə fırsəton hestin ki İron karde bəzne vey koməkəkə bıbu.

Əv təkidış karde ki dıyoədə 2 qılə kişvəri miyono əloğəon miğdor bəpe ziyod bıbu.