De həzrət Fatimə Zəhra(s) şəhodəti mınosibəti təsliyət(bə qıləy rəvoyəti əsos)

Imruj 5 şanbə hicri ğəməri 1441 minnə sori cəmadiuləvvəli 13 bərobər de miladi 2020 nə sori yanvari 9 bə qıləy rəvoyəti əsosi Həzrət Muhəmməd (s) kinə və dınyo şiəyon 1 minnə imom əmire mominan Əli ibne Əbitaleb(ə) həyat həmro Həzrət Fatimə Zəhra(s) şəhodəti sorəqardışe

Imruj 5 şanbə hicri ğəməri 1441 minnə sori cəmadiuləvvəli 13 bərobər de miladi 2020 nə sori yanvari 9  bə qıləy rəvoyəti əsosi Həzrət Muhəmməd (s) kinə və dınyo şiəyon 1 minnə imom əmire mominan Əli ibne Əbitaleb(ə) həyat həmro Həzrət Fatimə Zəhra(s)  şəhodəti sorəqardışe.

Əhle beyti ismət və təharət(ə) aşığon məçiton,huseyniyəon məzhəbiyə vıron iyən İroni şimal şərğ Məşhədı mığəddəsə şəhrədə Həzrət İmom Rıza(ə) pokə hərəm iyən Tehroni cənub Ğom şəhrədə Həzrət Məsumə(s) pokə hərəmədə islami əzizə peyğəmbər(s) əzizə kinə məzlumanə şəhodəti mərasimədə iştirakışon karde.

Həzrət Fatimə Zəhra(s) hırdənəti co ıştə əzizə dədə Xıdo rəsul(s)  hidayətonədə de ilahi aliyə muarif oşno be,həzrət Xıdo dərqah məxsusə bandəonkuy ki ilahiyə elmon sərçəşməku veyə bəhrəonış bardə.

Həzrət Fatimə Zəhra(s) ıştə jimoni sərasərdə  səxavət və isar iyən ıştə həxiku dəvarde,səbr,ğənaət,pərvərdiqari ibadət və dasti jiyədə bə kəson komək kardeş həmməysə mahbobə holətədə nışonış do və yol iyən tarix əsoxtə insononış bənə İmom Həsən(ə) və İmom Huseyn(ə) ıştə domənədə perosnişe.

Həzrət Fatimə Zəhra(s) 18 sor jimoni bəpeştə zəmonə hakimon veyə zılmon iyən ıştə əzizə dədə Həzrət Muhəmməd(s) rehləti ğəmi nəticədə bə qıləy rəvoyəti əsosi cəmadiuləvvəli 13 və bə coqlə rəvoyəti əsosi hicri ğəməri 11 minnə sori cəmadiulsani 3 nə ruji bə şəhodət rəsə.

İron İslam Respublika telerədyo de Həzrət Fatimə Zəhra(s) şəhodəti sorəqardışi mınosibəti bə həmmə mıslmonon və dınyoədə ozodəti tələb kardəkəson səbəsəloməti dodə.