Ayətullah Haşemi Rəfsəncani bə rəhmət şe mınosibətiku islami inğilabi yolə rəhbəri səbəsəlomətə mesaj

İslami inğilabi yolə rəhbər de qıləy mesaji Ayətullah Haşemi Rəfsəncani bə rəhmət şe mınosibəti səbəsəlomətiş do

Bə Həzrət Ayətullah Əl-uzma Xamenei əsəron hifz iyən nəşr bıkə mərkəzi elanon əsosi islami inğilabi yolə rəhbəri mesajədə jıqo nıvıştə bə.

Bismillahi rəhmani rəhin

İnna lillah və inna iləyhi racion

de təəssufi ıştə  ğədimiyə dust və islamiyə inğilabi mubarizəon devranədə ıştə həmsənqər iyən islamiyə respublika devrədə mutəmadiyə soronədə ıştə nezə koyhəmro cənab huccətul islam vəlmuslimin ağaye hac şeyx Əkbər Haşemi Rəfsəncani bə rəhhmət şe xəbəm məsə.

çımı həm sənqər iyən dusti nıbey ki dəy həmkarəti karde bə 59 sor təmam rəsedə saxt heste.

çı saxtion və təziğon ki ım 10 sorədə dəy dim bə dim bimon və çı həmfikrəti iyən həmdıləti veyə vaxtonədə mıştərəkə roonədə əməş bə fəaliyyət iyən səbr və xətoonədə dim bə dim be tərəf bardışe.

ə soronədə çəy veyə huş iyən nımunə səmimiyyət  dəy həmkarəti kardə kəsonru əcumlədə maro qıləy zumandə peştpurəti bı.

nəzəron fərğ iyən cur bə curə ictihadon ım dırozə devranədə nıznəşe çəmə dustiyəti ki çəy bino be Kərbəlaye muəlla Beynul hərəmeynədə bı arəku bıbə və xənnason iyən şeytonon vəsvəsə ki dəvardə soronədə de şiddəti nəzə cəhəto ım ixtilafonku bəhrə barde domoədə bin nıznəşone çəy şəxsiyə ehtıron və əlağədə bəman heç qılə təsirış nıno.

əv bə şah zılmin zid mubarizəonədə I minnə nəsli nımonə şəxsiyyətonkuy və ım pur xətoə iyən fəxrinə roədə əzob vində kəsonkuy.çandə soron zindon iyən SAVAK(şah rejimi əmniyyət ğıvvon) işkəncəon vinde iyən əxtə məsəlon vədə muğavimət həmçinin mığəddəsə muğavimət devranədə yolə məsuliyəton ğəbul karde və islamiyə şura məclisi rəisəti həmçinin xobreqane rəhbəri iyən coqlə məsuliyəton ım ğədimiyə mubarizə bıkə şəxsi jimoni vavriski voə səhifonku heste.

Haşemi nıbə holətədə az  coqlə şəxsiyyəti zındə nim ki ım tarix bısoxtə devranədə dəy jıqo mıştərək və dırozə təcrubəm bıbo.ısət ım ğədimiyə mubariz ilahiyə hisobi məhzərədə cur bə curə ruşinə fəaliyyət və koonədə ğərorış qətə və ım islamiyə respublika həmmə rəsmi şəxson tale heste.

çəyru ilahiyə rəhmət və əf səmime ğəlbiku orzu kardən və bə çəy həmro hırdənon iyən bıvon və ailə coqlə uzvon səbəsəloməti dodəm

ğəfərəlla ləna və ləhu

seyd Əli Xamenei

hicri şəmsi 1395 nə sori dey manqi 19