Pakistoni terroristiyə hodisə Rəyisi tərəfo məhkum bıə

İron İslom Respublika prezdent, Pakistoni terroristiyə hodisə məhkum kardəş iyən ım hodisə bə ım kişvəri millət iyən devlət təsliyət votışe.

Zinə və Pakistoni şimol ğərbədə qıləy siyosiyə iclosədə və tıpemoni cərəyonədə, 39 nəfər kıştə iyən 100 nəfəriku vey zəxmin bıən.

Tosə ısət Pakistonədə ım hodisə məsuliyəti hiç qrup ohdəş peqəte ni.

Bə İran Peres aqentiyəti raporti əsos, zinə və ım terroristiyə hodisə cərəyonədə, ki Bacor məntəğədə və “İslomi alimon ictima partiya” iclosi vırədə əncon bıə, Seyd İbreym Rəyisi qıləy mesaj ğolibədə ım hodisə bə Pakistoni iminnə vəzir, Şəhbaz Şərif iyən ım kişvəri millət və devlət təsliyət votışe və de əvon hamdardiş kardə.

Im mesajədə Prezdent təsdiğış kardə: az İroni milləti tərəfo de dust iyən bıvə kişvər Pakistoni millət və devlət hamdardi və ım terroristiyə hodisə məhkum kardedəm etığadımon heste ki jıqo ğeyri insoni və cinoyətkorə hərəkəton bo çəvon amilon ğərəz siyo diməti nəticəş ni.