İroni Yolə Rəhbər: imoninə cıvonon de DAEŞ-i məğlub karde mıstəkbirə Amerkə məğlub kardışone.

İroni İslamiyə İnğilobi Yolə Rəhbər təkid kardışone: deşmenon tərəfo planon heju ziyod bıə ta məntəğədə islami iyən inğilobiyə fikonku rost bıə miğoviməti məğlub bıku əmmo imonin və zumandə cıvonon iyən merdon de DAEŞ sərətaniyə vəzi məhv karde deşmeni məğlub kardışone ijən əmə karde bəznımon şuari məfhumi sabitşon ka.

Həzrəte Ayətullah Xamenei zinə İroni Bəsiciyon cəmədə təsdiğışon kardən: İron İslam Respublika karde zındəş be de Xıdo komək iyən hidoyət, de İmom Xumeyni(r) oğoəti iyən huşin mande və milləti mucahidət çı mısılmonon dılədə orzu bıə İslami bənə qıləy siyasi nizomi çərçivədə əməli ijən çəy i minə bınovrəş icud bıkəy.

İroni Yolə Rəhbər bə Kərimə-Ğıroni ayəon istinad karde Xıdo roədə mığovıməti həm çı ğiyaməti səvub və həm dınyoədə mukafaton əcumlə izzət, iğtidor və inkişofi bois zınəş be və əlovəşon kardən: İron İslam 38 sore de istikbor, siyoniston və mırtəcion canq kardə əmmo ımruj çand sa ya xot çand həzo bərobər inğiloni sıftənəku inkişofin və zumand bıə ki həman dınyoədə çı istiğoməti mukafatonin.

Həzrəte Ayətullah Xamenei İroni İnğilob, İmom Xumeyni(r) iyən 8 sornə muğəddəsə mudafiəi əsri nıvinde iyən dərk nıkarde holədə məntəğədə İronıjə imoninə cıvonə nəsli təsironış çı İroni İslomiyə İnğilobi mucizəon zınəş be iyən təkidışon kardən: şımə cıvonə nəslon mıstəkbirə Amerkə məğlub kardərone.

İroni Yolə Rəhbər bəsiciyə ruhiyəonışon çı DAEŞ sərətaniyə vəzi həğiğiyə məhvəkə amil zınəşon bıən və əlovəşon kardən: deşmen cəhd kardə de İŞİD Vəhhabiyə ğəyri insoniyə ğrupi bə miğoviməti zidd zərbəon varid bıkəy əmmo ənqizə iyən eşği xıvand bıə imoninə cıvonon bə mucahidəti məydon varid bıən iyən deşmınon məğlub kardeşone.

Həzrəte Ayətullah Xamenei təsdiğ kardən: Amerkə, siyoniston iyən məntəğə mırtəcion tərəfo çand qılə planon de İroni iğtidor xonsa bıə ki DAE,-i məğlubiyət çəvonku qıləyni hisob bəbe.

İroni Yolə Rəhbər de imoninə cıvonon iyən merdon iradə ijən çı muğavıməti bovə əkəyon cəhdi ım Təkfiri-Vəhhabiyə qrupi məğlubiyəti vey yolə ko zınəşon bıən ijən əlovəşon kardən: bəzi hamsuyə kişvəronədə həm çı DAEŞ-i məhv karde bovə iyən iradə nıbe əmmo zəmoni ki bə məydon varid bıən, səbarzətiyon de çəşi vındən peşo çı İroni İslomiyə İnğilobi pəyğum yəni əmə karde bəznımoni bovə kardışone.