Ğələmi ruj
Ğələmi ruj
Ğələm iyən nıvıştey İslomə dinədə həmvey əhəmiyyətin iyən şərofətinə çi hisob kardey bıə.joqo ki,Kərimə-Ğıroni surəonədə de Ğələmi nomi nozil bıə və həmonə Xıdovəndi de Ğələmi nomi ğəssəm Ğıronədə bəçəy şərofətin iyən mığəddəs bıey vey çokə şoyde.”nun vəl Ğələmi və ma yəsturun”.ğəssəm bə Ğələmi iyən bəçəy nıvıştəyon”.(Ğələmi surə-ayə1)
Xıdo-Rəsul Həzrət Muhəmmədi(s) de Xıdovəndi sıftənə irtibotədə çe Ğələmiku sıxan bə miyon omeydə.joqo ki,Xıdovənd ıştəni jıqo təğdım kardedə:”Əlləzi əlləmə bil Ğələm” Əkəs ki,de Ğələmi vəsilə təlimış doe”.barzə məğami soyb bıə,xılğət iyən hestemoni aləmi xıvandə Xıdo,bəştə ofəyə məxloğon ğəssəm hardedə.qıləy məxloğ ki,conış ni, əmmo bə bəşəri con doydə iyən elm,zıney və ədəbi bəyji oqəteydə.çən,inson çokonə çe Ğələmi erj iyən məğamiku sıxan nıvotey bəzıne?.
Həmçinin de islomi pəyğombər(s) iyən Şiyə imomon(ə) jimoni bərrəsi kardey,çəvon bo handey,nıvıştey iyən bo ziyodə və mislışon nıbə şoqirdon tərbiyə iyən perosneyro bıədığğət iyən səyon dərəsey bəbe.
Vey çoke ki,bızınəmon,çe Ğələmi həmməysə bariz iyən ruşinə imtiyoz seqlə nuktəy. əvvəl:baği bıey.kəlom mandedəni,əmmo nıvıştəy mandedə.Əmirəl-Muminin İmom Əli(ə)qıləy ğəşənqə sıxanədə jıqo hamyedə:”elmi de nıvıştey omutənən ta baği bımando iyən şımə dasti dıləku nışo”.yəni elmi bınıvıştənən ta dastiku nışo iyən mandeqar bıbo. dıvvom:dəğiğə formədə iyən oşko nıvıştey.bəyon iyən sıxan adətən dəğiğ ni iyən dəğiğ mıntəğil və rosney beydəni.ehyanə ğərol be həzo sor çımi bənav nıvıştə bıə qıləy kitob ki,de votemon iyən zıvoni vəsilə bəmə rəsəbe iyən qıləy vırədə nıvıştə bıə nıəbe,hiçvaxti dəğiğə tərzədə bəmə nıərəsi.sevvom həm ıme ki,nıvıştə bıə mətləbon nığıl iyən bə fiki əsos bıbo.qıləy holədə ki,addiyə formədə sıxanon fik-fam nıkardə holədə votey beydə iyən çəy mehtəvo və məzmunış kame.ənıvışton qahi zəmon i saat fik kardedən və iqlə xətt nıvıştedən.əmmo sıxanədə bə həmonə dığğəti rioyət kardey nibəbe.de milodi 12-ə əsri təasduf kardə və Hicri-Ğəməri şəşminə əsrədə jiyə İslomə dini yolə alimonku qıləyni bıə Əllomə Təbərsi bın barədə jıqo nıvıştedə:”bəyon dı curnəy.de zıvoni iyən de ğələmi bəyon.de zıvoni bəyon de zəmoni dəvardey kanə beydə və çe miyoniku şeydə.əmmo de ğələmi bəyon tosə əbədi baği mandedə”.....
