Məhərrəm,Huseyni manq-2
Məhərrəm,Huseyni manq-2
Almaniyəvıjə filosof iyən şərğşınos Musyo Marbin ıştə islomi siyosət kitobədə nıvışteydə:”çəmə kali torıx ənıvışton bexəbəti səbəb bıə ki,Şiyə əzodorəti bə cındoəti iyən səfiyəti nisbət bıdon.əmmo əvon hədərə sıxan kardəşone iyən bə Şiyə iftiro ğandəşone.əmə bənə şiyə milləti co qıləy hərorətin iyən bəyjiyə xalğımon vindəni.zira şiəyon de Huseyni əzodorəti mərosimon bərpo kardey vositə,qıləy ağılmandə siyosət əncom doydən və səmərəninə məzhəbi hərəkoti bə vucud vardedən.
İkəs ki,çe Şiyə təkamul iyən ozavziye seyr iyən hərəkəti bərrəsi iyən tədğığ bıko və oxonə sa sorədə çe Huseyni əzodorəti mərosimon bərpo kardə kəson jimoni mıtoliyəko,dəbərəse ki,şiyə bəştə oxonə təkamuli etap iyən mərhələ rəsə.sa sor çımi bənav şiəyon iyən çe Əli iyən Huseyni tərəfdoron Hindıstonədə de anqıştə aşmardey əbi və çəvon ədəd əyo kam be. Əmmo ımruj Hindıstoni şiəyon ədəd məzhəbi nəzəku seminə restədə ğərolış qətə və ijən dınyo co məntəğonədə həm hejo jəqoye...mı jıqo hisob kardedəm ki,çe İslomi baği mandey iyən çe mısılmınon təkamuli rəmz,bə Huseyn ibn Əli(ə) şəhodəti iyən bə həmonə ğəmqinə hodisəon xotoye və çımı yəğınım heste ki,çe mısılmınon ağılmandə siyosət iyən çəvon həyot ofəyə bərnoməon icro kardey de Huseyni əzodorəti təvəssuti bıə.madəm ki,ın metod iyən xıslət çe mısılmınon miyono mevcude,hiçvaxti əvon zıllət iyən xari ğəbul nibəkardeyn iyən çe hiç kəsi əsir nibəbeyn”.....
