Məhərrəm,Huseyni manq-3
Məhərrəm,Huseyni manq-3
Har sor Aşurə daston iyən de İmom Huseyni(ə)ğıyomi xotırəon zehnonədə vey bəyji iyən hərorətinə şikilədə həkk beydə.bın holədə Huseyn ibn Əli(ə) bənə qıləy saleh iyən rəhbərə insoni unvoni,çe mıborizon hərəkoti sərlohvə ğərol qətedə.İmom Huseyn(ə) bə həx iyən ədolət tələbəti əsos,qıləy İlahi hərəkətış bino karde ki,bın hərəkotədə əzəmət iyən səbarzəti ləpə jeydə.Əv,bo ğəşənqə jimoniro qıləy ləyoğətinə muəllim be.harçənd çe İmom Huseyn(ə)ğıyomiku çandə əsron dəvardedə,əmmo de zəmoni dəvardey İmom Huseyni(ə) ğıyomi əzəmət vey hevujə cəhəton pəydo kardedə iyən de konstruktivəti iyən və ibrətamizəti bə ico bıə ın ğəhrəmonəti iyən dastoni bə yod dənoydə.holı-hozıyədə bıə əsrədə həm İmom Huseyni(ə)ğıyomi dastoniku ilhom sıey,çe sıtəmi jiyədə bıə milləti mığovimət iyən bəsə poysə mandey ruhiyyə rost kardedə iyən sıstəti və betafutəti çəvonku bə diyəro kardedə.
Həzrət ayətullah Xameneyi bın xususədə jıqo hamyedə:”İmom Huseyn(ə) əməli surətədə bə İslomi torıxi həmməy qıləy dıjdə dərsış doe iyən həyğətədə İslomlış həm çə həzrəti zəmonədə və həmən coqlə zəmonədə biməş karde.harco bənə ımi qıləy fəsod bıbu,İmom Huseyn(ə) əyo bəyjiye.Əv,deştə şivə iyən əməli votedə ki,şımə bəpe çiç bıkon.təkif iyən vəzifə ıme.liza və əve ki,bəpe İmom Huseyni(ə) nom iyən Kərbəlo xotırə bəyji oqətey bıbu.çunki,Kərbəlo yod iyən xotırə ın əməli dərsi çe çəşi vəyku dəvordıneydə”.
