Məhərrəm,Huseyni manq-5
Məhərrəm-5
Məhərrəmmə mo seminə rujiku de umər ibn sədi nomo bıə qıləy fərdi komandoəti,çe Kufəku bə Kərbəlo məntəğə qıləy ləşkər daxil be.İmom Huseyn(ə) Məhərrəmmə mo daminə ruji ki,de Aşurə nomi məşhure,çəy xıyzon iyən dustonku iborət bıə qıləy hırdə ləşkərış hozzı karde və ə həzrət bə asbi suvar be iyən bo umər ibn sədi ləşkəri qıləy xutbəş hande və ıştə məğam, motivasiyə iyən ənqizəş boəvon şərhış karde.əmmo əvon ijən bə ə həzrəti voteşone ki,bəpe Əv,bə yəzidi təslim bıbo.
Əv,çəvon cəvobədə cəvobış doe ki,hiçvaxti ıştəni çe zılmi mığobilədə təslim nibəkarde.de ın tərtibi çe Kərbəlo canq bino be və çe dı tərəfiku ziyodə odəmon kıştə bin. nimə ruji bədiqə çe İmom Huseyni(ə) ləşkər de şiddəti bə mıhosirə eqınin.de İmom Huseyni(ə) xanedan iyən ləşkəri şəhid bıey,ə həzrət coyli mande və ə həzrət ıştə sə iyən kəşiku zədəjə be və bəsə dimisə bəsə zəminsə eqıniye və şımr ibn zilcovşən nomo qıləy fərd ə həzrətış bə şəhodəti məğami rosne.canq bə oxo rəse iyən çe umər ibn sədi ləşkər de İmom Huseyni(ə) xıyməon ğarəti koy məşğul be.umər ibn sədi ləşkəri həmonə vırə tərk kardey bədiqə,Bəni-Əsədi ğəbiləku bıə Ğaziriyyə sakinon çe İmom Huseyn(ə) iyən co şəhidon bədəmışon hejo əyo dəfn kardeşone.əvon ki,bo İmom Huseyn(ə) iyən çə həzrəti bəfodorinə əshobon ğəbi ziyorət kardero bə Kərbəlo şeydən,zıneydən ki,bə zulmi ələyh bıə canq harçənd zohirədə de yəzidi ğələbə bə oxo rəse,əmmo əvon vindedən ki,çe İmom Huseyni(ə) oromqo iyən ziyorətqo ğubbə peyo sıə pərçəm ləpə jeydə.çıro ki,çın sıə pərçəmi peşonə pərçəmdor yəni çe aləmi munci iyən xiloskor həzrət Məhdi(əc) həx iyən ədoləti qırd dınyoədə bərpo bəkarde.
