Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəlağə şərifə kitobi 123-ə hikmətədə xoşbəxtə şəxson sıfətonku kuto iyən de məno pur bıə şərhi nışon doydə iyən hamyedə:”Tuba limən zəllə fi nəfsihi”-həmməysə hərəbaxtə şəxs əkəse ki,ıştə nəzdədə hırd iyən təvazukore iyən çe milləti nəzədə yol iyən əziz”.
Həzrət İmom Əli(ə) təvazu iyən sodəti bo baxtəvərəti hiss kardero bənə muhimmə abjoronku qıləyni unvoni bəyon kardedə.çıro ki,”təkəbbır və yoləşəxəti” ki,ıştəni “təvazu iyən hırd hisob kardey” mığobil noxtəy,bə insoni ruf,con,etığodi iyən bə fərdi fikon və hətto insoni camiyə səth və səviyyədə vey məhfəkə nəticəonış heste.kali dıvonədə həmonə məzmun dıvo iyən Xıdovəndiku tələbi formədəy.joqo ki,hamyedə:”Allahummə ...Xıdolim ha! Hiçvaxti i ləzə mıni bəçımı holi vo mıədə....və mıni çımı ıştən dılədə hırd iyən təvazukor bıkə və mərdumi nəzədə mıni yol bıkə”....
Biznes təmizəti,bə insoni hərəbaxtəti,xoşbəxtəti iyən kəmoli rəseyro coqlə rəmz iyən sırre. bəhisob İmom Əli(ə) dıminə qıləyni vəsfi bəyonədə hamyedə:”və tabə kəsbuhu”vey hərəbaxtə kəs əve ki,pok iyən həlolə savdı iyən bıdə-bıstənış bıbu”.
Imruj insonon bəştə botıni vey dığğət kardey əvəzi,bəştə zohiri nəzə kardeydə.boçəy xoto həm,plastik cərrohiyyə əməliyyoton rəğəm həm ziyod bıə.qıləy holədə ki,deştə dimi əvəz kardey,çe insoni botın iyın dılə həm əvəz beydəni.ehyanə qıləy şəxsi hərisə botınış bıbu və çəy dılə de şəhvət,ğəzəb iyən pəxıləti pur bıbu,cərroh bımon qıləy ko kardey nibəzıne iyən bə qıləy tafutinə cərrohiyyə niyozış heste ta bə həyğiyə roziyəti bırəso.liza ə həzrət hamyedə:”vəsaləhət sərirətuhu:xoş bə ə odəmon holi ki,çəy botın pok iyən salehe”....
Husni-xulğ ya çokə əxloği anədə və əxtə İslomə dinədə əhəmiyyətış heste ki,hətto bəzi rəvoyətonədə əy bənə “nısfu din”yəni bənə dini nimə zikr kardedən ki,bın hikmətədə İmom Əli(ə) bəy işorə kardedə və hamyedə:”və həsənət xəliğətuhu:və xoş bıbu bo əkəsi holi ki,çəy əxloğış çoke”.
İzofə sıxan kardey qıləy ofot iyən bəloye ki,insonon veyni bəy mıbtəlo bıən iyən bəhisob bə zıvoni coqlə bəloon vadi yəni bə ğeybət,behton,şoyiəon pevolo kardey və bə coqlə qınon səmt şıkırney beydən.bə həmonə dəlili xoto,dini dəstur iyən əmronədə zıvoni xandi kardey çe imon iyən əxloği muhimmə nışonəonku qıləyni hisob kardey bıə.əve Həzrət İmom Əli(ə) bo bə hərəbaxtəti rəsyero izofə iyən əlovə sıxan votey pərhiz kardeyku bəhs kardedə və hamyedə:”və əmsəkəlfəzlə min....xoş bıbu bo əkəsi holi ki,ıştə zıvoni ziyodə sıxanon oqəteydə və çəy ziyon bə mərdumi nırəso”...
Dinədə təsərrıfi inev bıə bidət,şəryətiku bə kam kardey və ya bəy əlovə kardeye ki,torıxi dırozi bo dini yavə cilvə doeyro həmməysə muhimmə əbzoronku bıə.joqo ki,İncil həm bidət icod əkəyon duyəvoj təğdım kardedə ki,deştə bidəti əvon bə cokəson həlokəti səbəb bıən.liza Əmirəl-Muminin Həzrət İmom Əli(ə) çın erjinə hikməti oxonə baxşədə jıqo hamyedə: ”vəvəsiəthus-sunnə....xoş bıbu bo əkəsi holi ki,sınnət bəy vəs kardedə iyən çəyku qıləy bidət bə əməl omeydəni”.....
