Mədinədə məzlum iyən beqınoə hırdəni şəhodəti vədə mısılmonon reaksiya lozime.
Şiəyon mərcə təğlidonku Ayətullah Safi Qulpayeqani Ərəbistonıjə vəhhobi şahrvandi vasitə Mədinədə qıləy şiə hırdəni şəhid karde cinoyəti barədə çı beynəl xalğ təşkilaton sukutiku tənğidış ka.
Bə İrna raporti əsos ım mərcə təğlidi aparati iyən ofis qıləy bəyoniyədə Mədəniyə anti islam və anti insonə şəxson vasitə hırdəni şəhid karde zahirədə bıə insonon xəbisəti nışonə zınəş be iyən təkidış karde: de təəsufi kərim ğıroni nazil bıə mərkəz iyən hərəmine şərifinədə vey vaxte ki jıqonə qimroə təriğəton cəmaəti bə Xıdoku diyəro bəy tərəf dəvət kardedən.
Imruj çı Bəhmənə manqi 22-nə ruji yolə aksiyadə İroni millət ım dehəştinə cinoyəti məhkumışon karde.
Ayətullah Lotfullah Safi Qulpayeqani ım cinoyəti barədə çı islam kişvəron moğeiyət qəte tələbış karde.
Şiə zuə hırdən Zəkəriya Bədr Əli Caber ki bo Xıdo Rəsol(s) hərəmi ziyorət kardero deştə inə bə Mədinə şe holədə be Səudi Vəhabiyə taksi romə şəxsi tərəfo de dəhəştinə sorəti bə şəhodət rəsə.
