İroni Sepah təşkilati dıyo ğıvvon fərmondə: dıyoədə İroni silohinə ğıvvon iştirok dıyo ticarətədə əmniyəti bois bıə.
İroni Sepah təşkilati dıyo ğıvvon fərmondə bə İroni silohinə ğıvvon tərəfo dıyədə ticarət əmniyəti təmin kardey təkidış karde.
Bə İrib raporti əsos, İroni Sepah təşkilati dıyo ğıvvon fərmondə qeneral Əlireza Tənqsiri de İroni dıyo nəğliyot idorə yol vindemoni cərəyonədə votışe: dıyoədə İroni Sepah və ərtış ğıvvon iştirok dıyo və sahilədə əmniyəti kənoədə iyən sərhəddonədə oromətəti jintonədə İroni ticarətədə həm stabiləti bois bıə və bo sahili ostanonro çok be.
qeneral Əlireza Tənqsiri əlovəş karde: Sepah və ərtış yande kənoədə dıyo əmniyəti təmin kardəşone və həto ısət beynəlxalğ ovonədə ticarəti əmniyəti çərçivədə məmuriyəton əncom dodən.
İroni dıyo nəğliyot idorə yol Əliəkbər səfaii həm dıyoədə silohinə ğıvvon iştirokış dıyo ticarətədə əmnə şəroyeti bois zınəş be və votışe: beynəlxalğ ovonədə əmniyət və kişvəri dərhəddonədə stabileti de okiyan və ovonədə silohinə ğıvvon əməliyot və fəaliyəton vositə bə dast omə ki bo ticarət və dıyo nəğliyoti qılıy fıxre.
Səfaii votışe: beynəlxalğ və Hakemiyət ovonədə əmniyət iyən har ruj çand həzo nat və bo kırnə kəştiyon tranzit həminə muvəffəğiyətonku bə dast omə ki həmmişə de beynəl-xalğ dıyovonəti diğğət və təğdiri dim bə dim bıə və əvon vey kərə İroni silohinə ğıvvonku ğədrdonəti kardəşone.
