Pars Today

İrağədə i bıə milləton təşkilati şobə çın kişvəri i minə vəziri tojə əmr və ğərari barədə İraği Bəğdad şəhri havozə məntəğə hadisəon de diğğəti nəzər dəqəte təşəkkorış kardə və bəy mısbətə vindemonış be.

Im təşkilat ıştə bəyaniyədə elanış kardə, Heydər Əlibadi tojə əmr və ğərol bə şəhrvandon sulhinə reaksiyaon ijən ıştə həxi tələb karde diğğət doe ve çoke.

Bəyaniyə dəvomədə omə ki, jıqonə hərəkət nışo doyə ki ım bo İraği dıvlətiro qıləy muhimmə mevzue və bəpe sulhinə etirozədə de nəzmi xərob əkəyon ciddiyə mubarizə bıbu. Im bəyaniyədə həmçınin bə sulhinə ozodə bəyan ijən çın umumiyə həxi bənə demokratiya əslon qıləyni işorə be və omə ki har zəmon və har vəziyətdə dıvlət və əmniyyətiyə ğıvvon bəpe bə jıqonə əslon diğğət bıkən.

İraği Bəğdadədə çı İraği Sədr cərəyoni tərəfdaron eteraz aksiyaon bəpeştə ki çand qılə polis məmuri zəxmin bey ijən 1 qılə polisi kıştə boyis be, Heydər Əlibadi çın kişvəri i minə vəzir hadisə barde ijən milləti tələbon barde təhğiğ karde dəsturi sadirış karde.

İraği Sədr nomo bıə siyasi və hərbiyə cərəyan məvuji omə məhəliyə intixabati bənav dıvlətiku imtiyoz sıə pidəşe.