Əmiəbdullahiyan:Tehron-Ər-Riyad mığuvilə, məntəğə stabilə əmniyyət və sulhi cəhətədə əncom bıə

İroni xarıci vəzir votışe: Tehron-Ər-Riyad mığuvilə, 2 qılə kişvəri milləti mənafe və məntəğə stabiləti əmniyyət və sulhi cəhətədə əncom bıə.

Martə manqi 11 minnə ruj( Cımə rujədə) Pikən şəhrədə, İron və Ərəbistoni muzakirəon cərəyonədə, ğəror bıə ki 7 sorku bəpeşt, 2 qılə kişvər ıştən diplomatiya rabitəon tojədən bino bıkon.

Həminə 3tərəfi bəyoniyədə ğeyd bıə ki bə votımonon əsos, İron və Ərəbiston bə ğərol omin ta tosə omə 2manqi ıştə miyono bıə diplomatik əloğəon ijən bino bıkon və ıştə səforətxonəon oj bıkon ki həminə cəhətədə 2 qılə kişvəri xarıci vəziron çı təvafuği bə nəticə rosniye iyən səfiron miyono koon hoston kardey cəhəto de yande vindemon bəkan.

Milodi 2016 minnə sori Yanvari 3 minnə ruj, Səudi Ərəbiston, Tehron və Məşhədədə bə ım kişvəri səforətxonə həmləon bəhonə xoto, ıştən diplomatiya rabitəon ğət kardəş be.

Zinə İroni xarıci vəzir, Huseyn Əmirəbdullahiyan de televeziya votımoni cərəyonədə İron və Ərəbistoni mığuvilə barədə votışe: təvafuğ bıə ki  3tərəfi(Tehron-Piken-Ər-Riyad) bəyoniyə muntəşir bey zımoniku İron və Ərəbistoni rabitəon normal elan bəbe və  2 qılə kişvər tosə omə 2manqi ıştə miyono bıə diplomatik əloğəon ijən bino bıkon və ıştə səforətxonəon oj bıkon ki həminə cəhətədə 2 qılə kişvəri xarıci vəziron çı təvafuği bə nəticə rosniye iyən səfiron miyono koon hoston kardey cəhəto de yande vindemon bəkan.

İroni xarıci vəzir ijən bəyonış karde: dəvardə manqonədə de hamsuyəon əloğəon hevujəti barədə vey çokə inkişofon əncom bıə, əv ijən əlovəş karde: çand manq çımiku bənav, de məntəğə bəzi kişvəron əcumlə Səudi Ərəbiston problemon həl kardey barədə kali ideon bəyon bıə be.

Əmirəbdullahiyan ijən votışe: Vyana muzakirəon çərçivədə İroni zalımonə sanksiyaon peqəteyro votımonon və mesajon mıbodilə cərəyonədəy.

İroni xarıci vəzir ijən de Amerkə, zindonion mıbodilə kardey barədə votışe: oxonə rujonədə vey çokə təvafuğon əncom bıə  və ehanə Amerkə tərəfo həmmə çiyon çok bıbu, vəoməy rujonədə təvafuğ əncom bəbe.