Daeş terroristiyə qrupi hərbi amboonədə çı Nato təşkilati silohon peydo bin.

Suriyə Demokratik nomo hərbiyə ğıvvon tojədən Suriyə Reğğə ostani Təbəğə şəhri ozod karde əməliyatədə çandə çı Nato təşkilati silohon kəşf və peydoşon kardə ki Daeş terroristiyə qrupi ixtiyorədə be.

Bə sputink aqentiyəti raporti əsos Suriyə Demokratik nomo bıə hərbiyə ğıvvon Təbəğə nomo şəhri 80 faizi çı Daeş terroristiyə qrupi dustiku ozodışon kardə.

Im şəhr qıləy stratejikə şəhr hisob bəbe ki Suriyədə Daeşi əsliyə vırə yəni Reğğə şəhriku 55 kilometr fasiləş heste.

Çımiku bə nav həm Suriyə co şəhron əcumlə Hələb şəhri ozod karde əməliyaton cərəyonədə həm çandə çı ğərbiyə kişvəron ijən Ərəbiston və Tırkiyə silahon peydo bıə bən ki Daeş terroristiyə qrupi ixtiyorədə be.

Suriyə bohran ısət 6 sor heste ki Ərəbiston, siyonizm rejim, Amerkə və bəzi məntəğə diktatorə kişvəron himoyəon və bevəcə planon ijən bə Suriyə çand həzo mozdor və terrorist vığande nəticəku bino bıə.