Pars Today

İraği i minə vəzir votışe: de İraği şimalədə bıə Neynəva ostanədə dovtələbə ğıvvon plani icra karde, ısət de Daeş mubarizə barde xoto Syriyə və İrağədə çın trroristiyə dastə uzvon yandeku co bıən.

Bə Təsnim aqentiyəti raporti əsos, İraği i minə vəzir Heydər Əl-İbadi Bəğdadədə tojə terroristiyə hadisə barədə sıxan karde cərəyanədə işarəş kardə: bepənoh və dəmandə terroriston karde nibəznın İraği milləti iradəon vədə hiç təhdidi bıbun və əvon har vırədə bıbun əvoni pəydo bəkamon.

Heydər Əl-İbadi təkidış kardə: de Həşd Əlşşəbi və hərbiyon komilə həmohənğion İrağ və Suriyə sərhəddonədə əmniyət kamilən bərğərore.

Çı İraği Həşd Əlşşəbi məxsusə ğıvvon 2 minə briqada kamandir həm tojədən İrağ və Suriyə sərhədədə xəndəğ kande iyən sənğər soxteku xəbəş do.

Kərim Əlxağani əlovəş kardə: çı Suriyə və İraği sərhaddon əmniyəti ozod karde məəna Daeş terrorçiyə qurupi məhv karde məənae boçi ki bə ım qurupi komək rosniye cərəyon ğət bedə.

İraği əmniyətiyə ğıvvon çand faxte ki Musol şəhri ozod karde xoto de İşidi muzduron mıborizə bardedən, xəbon jıqo hikayət kardedə ki Musoli kamilən ozod kardeyro kam mandəy.

2 ruj çimiku bənav Bəğdadədə tıpımon hadisədə 27 nəfər kışte və 115 nəfər zəxmin bıən.

Daeş ujnən həminə hadisə məsuliyəti bə qiş qətə.