Amerkə məntəğədə sionist rejimi əmniyəti hifz kardeyu bə hərəkəte.

Sınniyə ruhani və pakistanı slimon cəmiyəti rəis bə məntəğə məmləkəton zid Amerkə təcavuzkarə siyasətonış sionist rejimi əmniyəti təmin karde cəhətdə zınəşe.

Bə ironi Səhər kanali Ordo zıvonə telerədyo ımrujnə xəbon əsosi  pakistanı sınniyə alim Pir Sed Məsum Huseyn Nəğəvi votışe:Amerkə sionistə lobion təziği jiyədəy və ım rejim bə Amerkə president Donald Tramp təziğ nışon dodə ki atom təvafuğiku xaric bıbo ta sionist rejimi əmniyət təmin bıbo.

ım ruhani ıştə sıxanon dəvomədə əlavəş karde Amerkə və sioniston fəaliyət kardən ta ijən bə islamiyə məmləkəton zərbə bıjənon çunki bə Suriyə zid Amerkə hərbiyə hucumon nezə şərğ məntəğədə fəğət sionist rejimi əmniyəti təmin karde iyən məntəğədə İŞİD terroristiyə qrupi zumand kardeyu təşkil bedə.