Pompeo bə məntəğə səfər kardeyku hədəfon; de sionist rejimi rabitəon adi və normal karde cinoyət dəvom kardedə.
Həmas təşkilati media mışovir təkidış karde: Amerkə xarıci vəziri bə məntəğə səfər karde hədəf bə ərəb bəzi kişvəron de sionist rejimi əloğəon normal və adi karde plani icbor kardeye.
Bə Fars aqentiyəti raporti əsos, Həmas təşkilati media mışovir Tahir Əl-Nur votışe: Mayk Pompeo bə məntəğə səfəriku hədəfi de tojə pesoxtə bıə unvani ərəbə kişvəron iyən sionist rejimi miyono diplomatik əloğəon normal beyeş
Əv votışe: Amerkə xarıci vəzir pidəşe de Amerkə rəhbərəti iyən de sionist rejim və ərəbə kişvəron işteraki qıləy iclosi pərpo kə.
Tahir Əl-Nur təkidış karde ki Amerkə bə Fələstinədə bıə sionist rejimi cinoyəton diğğət nıkarde holədəım rejimi xəbisə işğal siyosəton inkişofi bois bıə.
Həmas təşkilati media mışovir ijən votışe ki de sionist rejimi əloğəon normal və adi karde çərçivədə bıə hacurnə həmkarion hukmən məntəğədə ım rejimi nufuz və ğeyri ğanuni hakemiyyəti muğəddəməy.
Tojədən İbıə Ərəb Əmirətion iyən sionist rejimi miyono əloğəon normal və adi bey barədə xəbə omə ki Abu Dabi iyən Tə-Əvivi miyono diplomatik həmkarion xoto təvafuğ bə dast omə.
İbıə Ərəb Əmirətion iyən sionist rejimi miyono diplomatik əloğəon icod bey muxtəlif islami kişvəron iyən rəsmi şəxson tərəfo məhkum bıə.
